نظر سے جب نہاں ہوتا ہے روضہ یا رسول اللہ
تو غم سے منہ کو آتا ہے کلیجہ یا رسول اللہ
Nazar se jab nahaan hota hai roza ya Rasool Allah
To gham se munh ko aata hai kalija ya Rasool Allah
تری نسبت پہ نازاں ہوں اسی نسبت پہ موت آئے
یہی تو زندگی کا ہے اثاثہ یا رسول اللہ
Teri nisbat pe nazaan hoon isi nisbat pe maut aaye
Yahi to zindagi ka hai asasa ya Rasool Allah
وہ خالق آپ یکتا ہے، تجھے یکتا بنایا ہے
یہی فکر و نظر کا ہے خلاصہ یا رسول اللہ
Woh Khaliq aap yakta hai, tujhe yakta banaya hai
Yahi fikr o nazar ka hai khulasa ya Rasool Allah
سوالی بن کے آیا ہوں کھڑا ہوں آپ کے در پر
تونگر ہوں اگر بھردیں یہ کاسہ یا رسول اللہ
Sawali ban ke aaya hoon khada hoon aap ke dar par
Tunagar hoon agar bhardein ye kasa ya Rasool Allah
جسے تکنے کی خواہش میں تڑپتے عمر بیتی ہے
خوشا نظروں کے آگے ہے مواجہ یا رسول اللہ
Jise takne ki khwahish mein tarapte umr beeti hai
Khusha nazron ke aage hai mawajah ya Rasool Allah
وہی مالک جو معطی ہے ،تجھے قاسم بنایا ہے
ترے دستِ کرم کا ہے یہ صدقہ یا رسول اللہ
Wohi Maalik jo Muati hai, tujhe Qasim banaya hai
Tere dast-e-karam ka hai ye sadqa ya Rasool Allah
دمِ آخر جو پتلی میں حضورؐ عاصی کا دم ہوگا
تو اس لمحے دکھا دینا وہ چہرہ یا رسول اللہ
Dam-e-aakhir jo patli mein Huzoorؐ aasi ka dam hoga
To us lamhe dikha dena wo chehra ya Rasool Allah
قیامت میں تو ہو گی بس فقط تیری شفاعت ہی
گنہ گاروں کی بخشش کا وسیلہ یا رسول اللہ
Qayamat mein to ho gi bas faqat teri shafaat hi
Gunehgaron ki bakhshish ka wasila ya Rasool Allah
جلیل ان کے گھروں سے ہی سدا اٹھتی ہیں مہکاریں
کہ صلی اللہ جن کا ہو وظیفہ یا رسول اللہ
Jaleel un ke gharon se hi sada uthti hain mehkaarein
Ke Sallallahu jin ka ho wazeefa ya Rasool Allah
Share This Naat
Share with friends and family
نظر سے جب نہاں ہوتا ہے روضہ
حافظ عبدالجلیل