نہیں زبان میں طاقت خدیجتہ الکبری
بیاں کرے تِری عظمت خدیجتہ الکبری
Nahi zuban mein taqat Khadijatul Kubra
Bayan kare tiri azmat Khadijatul Kubra
لُٹا کے مالِ تجارت خدیجتہ الکبری
کی تم نے دین کی خدمت خدیجتہ الکبری
Luta ke maal-e-tijarat Khadijatul Kubra
Ki tum ne deen ki khidmat Khadijatul Kubra
حریمِ نازِ رسالت کی زینتِ اول
تمہاری ذات ہے حضرت خدیجتہ الکبری
Hareem-e-naaz-e-risalat ki zeenat-e-awal
Tumhari zaat hai Hazrat Khadijatul Kubra
مِرے رسول پہ ایمان پہلے لائی ہیں
بلند آپ کی قسمت خدیجتہ الکبری
Mire Rasool pe imaan pehle layi hain
Buland aap ki qismat Khadijatul Kubra
تمہارے واسطے رب سے سلام آیا ہے
کہ تم نبی کی ہو راحت خدیجتہ الکبری
Tumhare wastay Rab se salam aaya hai
Ke tum Nabi ki ho rahat Khadijatul Kubra
تِری نگاہ میں روشن ہے روزِ روشن سی
نبی کی خلوت و جلوت خدیجتہ الکبری
Tiri nigah mein roshan hai roz-e-roshan si
Nabi ki khalwat o jalwat Khadijatul Kubra
ترانصیب تو وہ ہے مِرےحضور کے ساتھ
رہی طویل رفاقت خدیجتہ الکبری
Tera naseeb to woh hai mire Huzoor ke sath
Rahi taweel rafaquat Khadijatul Kubra
قبول بارگہِ مصطفےٰ میں ہو جائے
لکھے شفیقؔ جو مدحت خدیجتہ الکبری
Qabool bargah-e-Mustafa mein ho jaye
Likhe Shafiq jo mad'hat Khadijatul Kubra
Share This Naat
Share with friends and family
نہیں زبان میں طاقت خدیجتہ الکبری
شفیق ؔ رائے پوری