نہیں ہے منگتا کوئی بھی ایسا کہ جس کا دامن بھرا نہیں ہے
انہی کے در پر میں جاکے سمجھا کہ میرے دامن میں کیا نہیں ہے
Nahi hai mangta koi bhi aisa ke jis ka daman bhara nahi hai
Inhi ke dar par mein jaake samjha ke mere daman mein kya nahi hai
عطا ہے ان کی، عنایتیں ہیں، شفاعتیں ہیں، کفالتیں ہیں
کرم کی بارش برس رہی ہے یہ سلسلہ تو رکا نہیں ہے
Ata hai un ki, inayatain hain, shafaatain hain, kafalatain hain
Karam ki barish baras rahi hai yeh silsila to ruka nahi hai
عطائے ربی کے وہ ہیں قاسم سو ان کے در پر کمی ہو کیسے
شہ و گدا میں کوئی بھی منگتا وہاں سے خالی مڑا نہیں ہے
Ata-e-Rabbi ke woh hain qasim so un ke dar par kami ho kaise
Shah o gada mein koi bhi mangta wahan se khaali mura nahi hai
نبیؐ کے در سے جو لو لگاؤ تو استقامت ہے شرطِ اول
محبتوں کا عبث ہے دعو یٰ جو خوں میں شامل وفا نہیں ہے
Nabiؐ ke dar se jo lo lagao to istiqamat hai shart-e-awwal
Mohabbatoun ka abas hai daawa jo khoon mein shamil wafa nahi hai
انہی کا در ہی خدا کا در ہے کہ ان کی طاعت خدا کی طاعت
خدا کے در سے پھرے گا خالی جو ان کے در پر جھکا نہیں ہے
Inhi ka dar hi Khuda ka dar hai ke un ki ta'at Khuda ki ta'at
Khuda ke dar se phire ga khaali jo un ke dar par jhuka nahi hai
بدن نبیؐ کا لہو سے تر ہے جو اہلِ طائف نے ظلم ڈھائے
مگر کسی کا برا نہ چاہا زبان پر بد دعا نہیں ہے
Badan Nabiؐ ka lahoo se tar hai jo ahl-e-Taif ne zulm dhaye
Magar kisi ka bura na chaha zuban par bad dua nahi hai
جو بے ادب آلِ پاک کے ہیں، یہاں بھی رسوا وہاں بھی رسوا
کہ نظریں ان کی حیا سے عاری ،دلوں میں خوفِ خدا نہیں ہے
Jo be-adab Aal-e-Pak ke hain, yahan bhi ruswa wahan bhi ruswa
Ke nazrein un ki haya se aari, dilon mein khauf-e-Khuda nahi hai
جلیل ان پر کرم ہوا ہے جو خلوتوں میں جمے رہے ہیں
خدا کا اترے گا نور کیسے وہ دل جو غار حرا نہیں ہے
Jaleel un par karam hua hai jo khalwaton mein jame rahe hain
Khuda ka utare ga noor kaise woh dil jo ghar e Hira nahi hai
Share This Naat
Share with friends and family
نہیں ہے منگتا کوئی بھی ایسا کہ جس
حافظ عبدالجلیل