نبی سرورِ ہر رسول و ولی ہے
نبی راز دارِ مَعَ اللہ لِی ہے
Nabi sarwar-e har rasool o wali hai
Nabi raaz daar-e ma' Allah li hai
وہ نامی کہ نامِ خُدا نام تیرا
رؤف و رحیم و علیم و علی ہے
Wo nami ke naam-e Khuda naam tera
Ro'uf o Raheem o Aleem o Ali hai
ہے بیتاب جس کے لئے عرشِ اعظم
وہ اس رہروِ لامکاں کی گلی ہے
Hai baitaab jis ke liye arsh-e aazam
Wo us rahrow-e laamakan ki gali hai
نکیرین کرتے ہیں تعظیم میری
فِدا ہو کے تجھ پر یہ عزّت ملی ہے
Nakeerein karte hain ta'zeem meri
Fida ho ke tujh par ye izzat mili hai
طلاطم ہے کشتی پہ طوفانِ غم کا
یہ کیسی ہوائے مخالف چلی ہے
Talaatum hai kashti pe toofaan-e gham ka
Ye kaisi hawaaye mukhalif chali hai
نہ کیوں کر کہوں یا حبیبی اَغِثْنِی
اِسی نام سے ہر مصیبت ٹلی ہے
Na kyun kar kahoon ya Habeebi a-ghithni
Isi naam se har museebat ttali hai
صبا ہے مجھے صرصرِ دشتِ طیبہ
اِسی سے کلی میرے دِل کی کِھلی ہے
Saba hai mujhe sarsar-e dasht-e Taiba
Isi se kali mere dil ki khili hai
تِرے چاروں ہمدم ہیں یک جان یک دِل
ابوبکر فاروق عثمان علی ہے
Tire charon hamdam hain yak jaan yak dil
Abu Bakar Farooq Usman Ali hai
خدا نے کیا تجھ کو آگاہ سب سے
دو عالم میں جو کچھ خفی و جلی ہے
Khuda ne kya tujh ko aagaah sab se
Do aalam mein jo kuch khafi o jali hai
کروں عرض کیا تجھ سے اے عالِم السِّر
کہ تجھ پر مری حالتِ دِل کُھلی ہے
Karoon arz kya tujh se ae aalem al-sirr
Ke tujh par meri haalat-e dil khuli hai
تمنّا ہے فرمایئے روزِ محشر
یہ تیری رِہائی کی چِٹھی مِلی ہے
Tamanna hai farmaaiye roz-e mahshar
Ye teri rihaai ki chitthi mili hai
جو مقصد زِیارت کا بر آئے پھر تو
نہ کچھ قصد کیجے یہ قصدِ دِلی ہے
Jo maqsad ziyaarat ka bar aaye phir to
Na kuch qasd kijeye ye qasd-e dili hai
تِرے در کا دَرباں ہے جبریلِ اعظم
تِرا مدح خواں ہر نبی و ولی ہے
Tire dar ka darbaan hai Jibreel-e aazam
Tira madah khwaan har nabi o wali hai
شفاعت کرے حشر میں جو رضاؔ کی
سِوا تیرے کس کو یہ قُدرت مِلی ہے
Shafa'at kare hashr mein jo Raza ki
Siwa tere kis ko ye qudrat mili hai
Share This Naat
Share with friends and family
نبی سرورِ ہر رسول و ولی ہے
احمد رضا خان بریلوی