نبی کی تخلیق رب کا پہلا کمال ہوگا یہ طے ہوا تھا
لباسِ بشری میں نور وہ خوش خصال ہوگا یہ طے ہوا تھا
Nabi ki takhleek Rab ka pehla kamaal hoga ye tay hua tha
Libaas-e-bashari mein noor wo khush khisal hoga ye tay hua tha
حضور جب اونٹنی پہ ہو کر سوار جائیں گے سوئے جنت
مہار تھامے نبی سے آگے بلال ہوگا یہ طے ہوا تھا
Huzoor jab oontni pe hokar sawar jayenge soye jannat
Mahar thame Nabi se aage Bilal hoga ye tay hua tha
وجودِ ہستی کی نبض جانِ جہاں کے ہونے سے ہی چلے گی
وہ دو جہانوں کا تاجور بے مثال ہوگا یہ طے ہوا تھا
Wujood-e-hasti ki nabz Jaan-e-jahan ke hone se hi chalegi
Wo do jahanon ka tajwar be-misaal hoga ye tay hua tha
ہمیشہ چمکے گا ان کا سورج ضحیٰ کی پر کیف رفعتوں پر
گہن لگے گا نہ خوفِ وقتِ زوال ہوگا یہ طے ہوا تھا
Hamesha chamke ga un ka sooraj zuha ki pur kaif rifaton par
Gehan lage ga na khauf-e-waqt-e-zawal hoga ye tay hua tha
براہِ سدرا براق و رفرف پہ سیر جب لا مکاں کی ہوگی
تو قاب قوسین پر خدا سے وصال ہوگا یہ طے ہوا تھا
Barah-e-sidra buraq o rafraf pe sair jab la makan ki hogi
To qaab qosain par Khuda se wisal hoga ye tay hua tha
بشر کی تقویم ہوگی احسن جمیل ہوں گے کثیر لیکن
سبھی سے بڑھ کر مرے نبی کا جمال ہوگا یہ طے ہوا تھا
Bashar ki taqweem hogi ahsan jameel honge kaseer lekin
Sabhi se barh kar mere Nabi ka jamaal hoga ye tay hua tha
مقامِ محمود روزِ محشر حضورِ اکرم کو ہوگا حاصل
ہر ایک خاطی شفاعتوں سے نہال ہوگا یہ طے ہوا تھا
Maqam-e-mahmood roz-e-mahshar huzoor-e-akram ko hoga hasil
Har aik khati shafaaton se nehal hoga ye tay hua tha
کریم خلاق ڈال دے گا دلوں میں عشقِ نبی کی خوشبو
دلوں میں الفت لبوں پہ ان کا سوال ہوگا یہ طے ہوا تھا
Kareem Khaaliq daal de ga dilon mein ishq-e-Nabi ki khushboo
Dilon mein ulfat labon pe un ka sawal hoga ye tay hua tha
تمام اوصاف اس کے اعلیٰ ترین اور بے مثال ہوں گے
وہ نرم خو بردبار شیریں مقال ہوگا یہ طے ہوا تھا
Tamaam ausaaf is ke aala-tareen aur be misal honge
Wo narm kho burdabar sheereen maqal hoga ye tay hua tha
پسینہ خوشبوئے مشک و عنبر کی قسمِ اول سے ہوگا برتر
لعاب ان کا کمال کا اندمال ہوگا یہ طے ہوا تھا
Pasina khushboo-e-mushk o unbar ki qasam-e-awwal se hoga bartar
Luab un ka kamaal ka indamaal hoga ye tay hua tha
بنے گا مسکن تمام عالم کے تاجداروں کے تاجور کا
وہ شہرِ خوشبو جسے بھلانا محال ہوگا یہ طے ہوا تھا
Bane ga maskan tamaam aalam ke tajdaron ke tajwar ka
Wo shehr-e-khushboo jise bhulana mahaal hoga ye tay hua tha
لو تجھ کو اشفاق ہو مبارک نزولِ مدحت کا لمحہ لمحہ
تو حرفِ زرنابِ نعت سے مالا مال ہو گا یہ طے ہوا تھا
Lo tujh ko Ashfaq ho mubarak nuzool-e-madih ka lamha lamha
Tu harf-e-zarnaab-e-naat se maala maal ho ga ye tay hua tha
Share This Naat
Share with friends and family
نبی کی تخلیق رب کا پہلا کمال ہوگا یہ طے ہوا تھا
اشفاق احمد غوری