نعتِ شانِ مصطفیٰ ہے شغل ہر جنّ و ملک
بہرِ تعظیمِ محمد سر جھکاتا ہے فلک
Naat-e-Shan-e-Mustafa hai shughl har jinn-o-malak
Behre taazim-e-Muhammad sar jhukata hai falak
چاند تاروں کو ملی نورِ محمد کی چمک
مشک و گل نے پائی ہے گیسوئے احمد کی مہک
Chaand taron ko mili noor-e-Muhammad ki chamak
Mushq o gul ne payi hai gesu-e-Ahmad ki mehak
اے خدا عشقِ محمد سے ہمیں سرشار رکھ
ہاتھ میں تھامے رہیں ہم ان کا دامن حشر تک
Ae khuda ishq-e-Muhammad se hamen sarshar rakh
Haath mein thame rahen hum un ka daman hashr tak
ناز ہم کرتے رہیں گے اپنی قسمت پر سدا
یا الہٰی پھر دکھا دے سبز گنبد کی جھلک
Naaz hum karte rahenge apni qismat par sada
Ya Ilahi phir dikha de sabz gunbad ki jhalak
خواب ہی میں چہرہء انور دکھا دیجے حضور
یا رسول اللہ رہیں محروم آخر کب تلک
Khawab hi mein chehra-e-anwar dikha dije huzoor
Ya Rasool Allah rahen mehroom aakhir kab talak
شرک و بدعت شرک و بدعت کوئی بکتا ہی رہے
نظمی پڑھتا ہی رہے گا نعتِ احمد بے جھجک
Shirk-o-bidat shirk-o-bidat koi bakta hi rahe
Nazmi padhta hi rahe ga naat-e-Ahmad be jhijak
Share This Naat
Share with friends and family
نعتِ شانِ مصطفیٰ ہے شغل ہر جنّ ملک
سید آل رسول حسنین میاں برکاتی نظمی