نعتِ سرورؐ میں اگر لطفِ مناجات نہیں
عشق ناقص ہے در خشندہ خیالات نہیں
Naat-e-Sarwar (SAW) mein agar lutf-e-manaajaat nahi
Ishq naqis hai dar khushanda khayalaat nahi
نورافشاں ہیں غمِ عشق نبیؐ میں آنسو
للہ الحمد کہ تاریک کوئی رات نہیں
Nor-afshan hain gham-e-ishq Nabi (SAW) mein aansu
Lillah alhamd keh tareek koi raat nahi
ساری دنیا میں کوئی ایک بھی ایسا نہ ملا
جسکے دامن میں حضورؐ آپ کی سوغات نہیں
Saari duniya mein koi aik bhi aisa na mila
Jis ke daman mein Huzoor (SAW) aap ki saugaat nahi
دستگیری نہ اگر رحمت ِ عالمؐ فرمائیں
بخدا اور کوئی قبلہِ حاجات نہیں
Dastgeeri na agar rehmat-e-aalam (SAW) farmaain
Bakhuda aur koi qibla-e-haajaat nahi
چشمِ نم عشقِ محمدؐ نے عطا فر مادی
اس سے بہتر تو کوئی عشق کی سوغات نہیں
Chashm-e-nam ishq-e-Muhammad (SAW) ne ata farma di
Is se behtar to koi ishq ki saugaat nahi
لاکھ طوفان اٹھیں گھیر لیں رقّاص بھنور
وہ نگہباں ہیں تو اندیشہِ خطرات نہیں
Laakh toofan uthain gher lein raqqas bhanwar
Woh nagehbaan hain to andesha-e-khatraat nahi
شاد رہتے ہیں بہر حال ہیں راضی بہ رضا
جو تمہارے ہیں انہیں شکوہ حالات نہیں
Shaad rahte hain beher haal hain raazi beh raza
Jo tumhare hain unhein shikoh-e-halaat nahi
سر خرو ہوں گے سرِ حشر بھی انشاء اللہ
آج بھی دیکھ لو محرومِ عنایات نہیں
Sar kharu honge sar-e-hashr bhi Insha Allah
Aaj bhi dekh lo mehroom-e-inaayaat nahi
انکی ذات امنِ دو عالم کی امیں ہے خالدؔ
اب تعاقب میں ہمارے کہیں آفات نہیں
Unki zaat aman-e-do aalam ki amin hai Khalid
Ab ta'aqub mein humare kahin aafaat nahi
Share This Naat
Share with friends and family
نعتِ سرورؐ میں اگر لطفِ مناجات نہیں
خالد محمود خالد