نام لے کے ان کا رب سے مانگنا
ہے مسبب یا سبب سے مانگنا
Naam le ke un ka Rab se maangna
Hai musabbib ya sabab se maangna
تب سے ہے لبریز کاسہ آپؐ سے
کر دیا آغاز جب سے مانگنا
Tab se hai labrez kaasa aap ﷺ se
Kar diya aaghaz jab se maangna
نعت کہنا سرورِؐ کونین کی
بڑھ کے ہے حسنِ طلب سے مانگنا
Naat kehna Sarwar-e- ﷺ Konain ki
Badh ke hai husn-e talab se maangna
ہے سبب ربِ علا کے لطف کا
مصطفیٰؐ رحمت لقب سے مانگنا
Hai sabab Rab-e aala ke lutf ka
Mustafa ﷺ Rehmat laqab se maangna
خیر خواہی امّتِ مرحوم کی
سیکھیے شاہِؐ عرب سے مانگنا
Khair khwaahi Ummat-e marhoom ki
Seekhiye Shah-e- ﷺ Arab se maangna
اس کی قسمت میں ہوں حق کی رحمتیں
جس کو آتا ہے ادب سے مانگنا
Is ki qismat mein hon haq ki rehmatain
Jis ko aata hai adab se maangna
ان کی جانب کر دیا دامانِ دل
جب نہ طاہرؔ آیا لب سے مانگنا
Un ki janib kar diya daaman-e dil
Jab na Tahirؔ aaya lab se maangna
Share This Naat
Share with friends and family
نام لے کے ان کا رب سے مانگنا
پروفیسر محمد طاہر صدیقی