نام محمد ایسا یکتا جو یکتا سے بھی آگے
یہ خود اپنی ایسی ثنا ہے حد ثنا سے بھی آگے
Naam-e Muhammad aisa yakta jo yakta se bhi aagay
Ye khud apni aisi sana hai had-e sana se bhi aagay
ایسی بصارت مجھ کو بخشی نور شمع رسالت نے
دیکھتا ہوں اب گنبد خضریٰ اور خضریٰ سے بھی آگے
Aisi basarat mujh ko bakhshi noor-e shama'e risalat ne
Dekhta hoon ab gunbad-e khazra aur khazra se bhi aagay
جتنے سخی ہیں دنیا بھر میں سائل ہیں ان کے در کے
جن کا دستِ جود و سخا ہے جود و سخا سے بھی آگے
Jitne sakhi hain duniya bhar me sa'il hain un ke dar ke
Jin ka dast-e jood o sakha hai jood o sakha se bhi aagay
دیدہ کور بھلا کیا دیکھے کیسے دیکھے ان کا مقام
جن کی نگاہیں دیکھ رہی تھیں " اوادنیٰ " سے بھی آگے
Deeda-e kor bhala kya dekhe kaise dekhe un ka maqam
Jin ki nigahen dekh rahi theen "Owadna" se bhi aagay
ہم ان کی میلاد منائیں ، ان کی سیرت اپنائیں
ان سے محبت ہے تو گذرو حدِّ وفا سے بھی آگے
Hum un ki milad manayein, un ki seerat apnayein
Un se mohabbat hai to guzro had-e wafa se bhi aagay
ذکرِ محمد ذکرِ خدا ہے یہ تو حدیثِ نبوی ہے
تہمّت ہے کہ ذکرِ نبی ہے ذکرِ خدا سے بھی آگے
Zikr-e Muhammad zikr-e Khuda hai ye to hadees-e nabvi hai
Tehmat hai ke zikr-e Nabi hai zikr-e Khuda se bhi aagay
ان کی رسالت کے منکر بھی ان کی شان میں یوں کہتے
سچ ہے تم سچ کہنے میں ہو صدق و صفا سے بھی آگے
Un ki risalat ke munkir bhi un ki shan mein yun kehte
Sach hai tum sach kehne mein ho sidq o safa se bhi aagay
ایسا کریم کہاں ہے کوئی کہ اپنی امت کے لیے
جس کی سفارش رب تک پہنچے حرفِ دعا سے بھی آگے
Aisa Kareem kahan hai koi ke apni ummat ke liye
Jis ki sifarish Rab tak pohnche harf-e dua se bhi aagay
ہر ہر لفظ ثنا میں آکر باعزت با رُتبہ ہوا
دیکھو ادیؔب انہی میں ہوگا اپنی نوا سے بھی آگے
Har har lafz-e sana mein aakar baizzat ba rutba hua
Dekho adeeb inhi mein hoga apni nawa se bhi aagay
Share This Naat
Share with friends and family
نام محمد ایسا یکتا جو یکتا سے بھی آگے
حضرت ادیب رائے پوری