نامِ حق سے جو پرچم کھلا حمد کا
رنگ چاروں طرف چھا گیا حمد کا
Naam-e-Haq se jo parcham khula hamd ka
Rang chaaron taraf chha gaya hamd ka
لحظہ لحظہ ہے شانِ الٰہی نئی
ذائقہ بھی ہے پل پل نیا حمد کا
Lahza lahza hai shaan-e-Ilahi nai
Zaiqa bhi hai pal pal naya hamd ka
نیم شب کو نجوم اس کی باتیں کریں
صبحدم چھیڑے نغمہ صبا حمد کا
Neem shab ko njoom us ki baatein karein
Subha dam chheRe naghma saba hamd ka
شامل اس میں خلائق جہاں در جہاں
از ازل تا ابد سلسلہ حمد کا
Shaamil is mein khalaaiq jahan dar jahan
Az azal ta abad silsila hamd ka
اس کی تسبیح کرتے ہیں سب نجم و گُل
کارواں ہے رواں جا بجا حمد کا
Us ki tasbeeh karte hain sab najm-o-gul
Karwan hai rawan ja bajah hamd ka
نو بنو اس کے امکان آشوب میں
دور چلتا رہے گا سدا حمد کا
No banu us ke imkan aashob mein
Daur chalta rahe ga sada hamd ka
اس کو پھیلانا چاہوں حدِ عمر تک
جب ملے لمحہء دلکشا حمد کا
Us ko phelana chaahun had-e-umr tak
Jab mile lamha-e-dilkusha hamd ka
حمد کرنے میں احمد سا کوئی نہیں
جسکے دم سے ہے گلشن ہرا حمد کا
Hamd karne mein Ahmed sa koi nahi
Jiske dam se hai gulshan hara hamd ka
کیا خبر ہے کہ تائب وہ مقبول ہو
جو بیا ں رہ گیا اَن کہا حمد کا
Kya khabar hai ke taib wo maqbool ho
Jo biya reh gaya an kaha hamd ka
Share This Naat
Share with friends and family
نامِ حق سے جو پرچم کھلا حمد کا
حفیظ تائب