چھڈ دیس نگاراں دا
کدھر نوں ٹری جاندا اے ، ایہ جیش بہاراں دا
Chhad des nigaraan da
Kidhar nu tarray jaanda ae, eh jash baharaan da
اِس کتول جانا اے
جو لشکر تاریاں دا ، دھرتی تے روانا اے
Is katool jaana ae
Jo lashkar taariyaan da, dharti te rawana ae
سالار کھلوتا اے
یاں عزم تے ہمت دا ، کہسار کھلوتا اے
Salar khalota ae
Yaan azm te himmat da, kehsar khalota ae
اوہ پیا فرماندا اے
رنگ جگ نے بدل لیا ، حق مٹ دا جاندا اے
Oh piya farmaanda ae
Rang jag ne badal liya, haq matt da jaanda ae
باطل جو شاہی اے
ہتھ اوہدا کوئی پکڑے ، ایہ حکم الٰہی اے
Baatil jo shaahi ae
Hath ohda koi pakrre, eh hukm ilahi ae
مقصود شہادت اے
جیونا وچ ظلماں دے ، اک جُرم اے ، ذلت اے
Maqsood shahaadat ae
Jeona vich zulaaman de, ik jurm ae, zillat ae
ایہ کیہڑا اجاڑ آیا
اڑ کھلتا جتھے آکے ، گھوڑا اُس مدنی دا
Eh kihra ujaar aya
Udr khutla jithe aake, ghoda us Madni da
منشا سی مشیّت دا
اُس شہ اسواراں دے ، راہوار دا رُک جانا
Mansha si mashiyat da
Us Sheh aswaaran de, raahwaar da ruk jaana
اُترن دا حُکم دِتا
مالک دی مرضی نوں ، حضرتؐ نے پا لتّا
Utran da hukm ditta
Maalik di marzi noo, Hazrat ne paa lagta
لگدے نیں پئے خیمے
مدنی اسواراں دے ، اج علقمہ دے کنڈھے
Lagde ne pay khime
Madni aswaaran de, aj Alqama de kande
معلوم سی کد لوکاں
چمکن گیاں ایہ تھاواں ، وسّن گیاں ایہ جھوکاں
Maloom si kad loukaan
Chamkan giyan eh thhawan, wassen giyan eh jhokan
کد جگ نوں خبر ہیسی
زیویں ایہ کربل دی ، اسماں کد بنسی
Kad jag noo khabar hisi
Ziven eh Karbala di, asman kad bansi
اندازہ ایہ کنہوں سی
اس تھاں دی زیارت لئی، آون گے فرشتے وی
Andaaza eh kinhon si
Is thhaan di ziarat laee, aavan ge farishte vi
Share This Naat
Share with friends and family
چھڈ دیس نگاراں دا
حفیظ تائب