نہ گُل کی تمنّا نہ شوقِ چمن ہے
یہ دل حُبِّ آلِ نبیؐ میں مگن ہے
na gul ki tamanna na shauq-e-chaman hai
ye dil hub-e-aal-e-nabi (SAW) mein magan hai
حسین و حسن ہیں وہ پیکر کہ جن میں
بَتُولی نجابت رَسُولی چلن ہے
Hussain o Hasan hain woh paikar ke jin mein
batooli najabat rasooli chalan hai
مِرے سر میں سودائے زہرا و حیدر
مِرے دل میں عِشقِ رَسُولِ زمن ہے
Mire sar mein sodaye Zahra o Haider
Mire dil mein ishq-e-rasul-e-zaman hai
تصوّر میں ہیں میرے سجّاد و زینب
نگاہوں میں روئے حسین و حسن ہے
Tasawwur mein hain mere Sajjad o Zainab
Nigahon mein roye Hussain o Hasan hai
سکینہ کی وہ پیاس وہ ضبطِ گریہ
کہ نہرِ فرات آج بھی نوحہ زن ہے
Sakina ki woh pyaas woh zabt-e-girya
ke nehr-e-Furat aaj bhi noha zan hai
وہ معصوم اصغر کی معصوم ہچکی
اِسی غم کے سکتے میں چرخِ کہن ہے
Woh masoom Asghar ki masoom hichki
Isi gham ke sakte mein charkh-e-kohan hai
لہو میں اِدھر تُو نہایا ہے اصغر
اُدھر تیرا بابا بھی خونیں کفن ہے
Lahoo mein idhar tu nahaya hai Asghar
Udar tera baba bhi khooni kafan hai
وہ زینب جو کل تھی مدینے کی مالک
وہ اب کربلا میں غریبُ الوطن ہے
Woh Zainab jo kal thi Madine ki malik
Woh ab Karbala mein ghareeb-ul-watan hai
کہا ماں نے اکبر کے قاتل سے رُک جا
شبیہِ محمدؐ ہے ، نازک بدن ہے
Kaha maan ne Akbar ke qatil se ruk ja
Shabih-e-Muhammad (SAW) hai, naazuk badan hai
یہ کیوں محوِ گریہ ہے محفل کی محفل
یہاں کیا کوئی ذکرِ طوق و رسن ہے ؟
Ye kyun mahw-e-girya hai mehfil ki mehfil
Yahan kya koi zikr-e-touq o rasan hai?
دکھا دے جھلک اب تو اے ماہِ زہرا
شہِ مُنتَظَر، مُنتَظِر انجمن ہے
Dikha de jhalak ab to ae mah-e-Zahra
Shah-e-muntazir, muntazir anjuman hai
کھِلے پھول ہیں جس میں زہرا کے ہر سُو
محمدؐ کا بھی کیا مہکتا چمن ہے
Khulay phool hain jis mein Zahra ke har su
Muhammad (SAW) ka bhi kya mehakta chaman hai
ستم سہہ کے بھی اُن کے تیور نہ بدلے
وہی تمکنت ہے، وہی بانکپن ہے
Sitam seh ke bhi un ke tewar na badle
Wohi tamkanat hai, wohi bankpan hai
حُسین ابنِ زہرا کا مُکھڑا تو دیکھو
علی کی وجاہت، نبی ؐ کی پھبن ہے
Hussain ibn-e-Zahra ka mukhra to dekho
Ali ki wajahat, Nabi (SAW) ki phaban hai
بہاؤ غمِ آلِ زہرا میں آنسو
یہ اہلِ مَوَدَّت کی رسمِ کُہن ہے
Bahaao gham-e-aal-e-Zahra mein aansu
Ye ahl-e-mawaddat ki rasm-e-kohan hai
ثنا کیجئے کھُل کر آلِؐ عبا کی
کہ ذکر اُن کا خود آبروئے سُخن ہے
Sana kijiye khul kar aal-e-aba ki
Ke zikr un ka khud aabru-e-sukhan hai
نہ چُھونے کہیں اُن کی نسبت کا دامن
بہت ہی بڑی دولت اُن کی لگن ہے
Na choone kahin un ki nisbat ka daaman
Bohat hi bari daulat un ki lagan hai
نہ کیوں مُجھ پر اِترائے معجز بیانی
کہ مُنہ میں علی کا لُعابِ دہن ہے
Na kyun mujh par itraaye mojiz bayani
Ke munh mein Ali ka luaab-e-dahan hai
نصیؔر اب میں کیوں مانگنے دُور جاؤں
یہ مَیں ہُوں ، یہ دروازہء پنجتن ہے
Nasir ab mein kyun maangne door jaaoon
Ye main hoon, ye darwaza-e-Panjtan hai
Share This Naat
Share with friends and family
نہ گُل کی تمنّا نہ شوقِ چمن ہے
سید نصیرالدیں نصیر