خوشنودیٔ رسول ہے الفت حسین کی
ایذا ہے مصطفٰے کو ، اذیت حسین کی
Khushnoodi-e-Rasool hai ulfat Hussain ki
Eza hai Mustafa ko, aziyat Hussain ki
نانا نبی ہے بابا علی ماں بتول ہے
بے مثل ہے جہاں میں نجابت حسین کی
Nana Nabi hai Baba Ali maa Batool hai
Be misal hai jahan mein najabat Hussain ki
کیسے نہ ان کے ناز اٹھائیں ملائکہ
دوشِ نبی پہ کھیلنا عادت حسین کی
Kaise na un ke naaz uthain malaika
Dosh-e-Nabi pe khelna adat Hussain ki
سردارِ خلد ہے یہ نواسہ رسول کا
وہ جنتی ہے جس کو اجازت حسین کی
Sardar-e-Khuld hai ye nawasa Rasool ka
Woh jannati hai jis ko ijazat Hussain ki
سر دے دیا ، یزید کی طاعت نہ کی قبول
چشمِ فلک نے دیکھ لی جرأت حسین کی
Sar de diya, Yazid ki taat na ki qubool
Chashm-e-Falak ne dekh li jurrat Hussain ki
اس نے کئی ہزار کو نابود کر دیا
سب مانتے ہیں آج بھی طاقت حسین کی
Is ne kai hazaar ko nabood kar diya
Sab mante hain aaj bhi taqat Hussain ki
ہر دور کے یزید کی تا دیب کے لئے
ہر دور میں رہے گی ضرورت حسین کی
Har daur ke Yazid ki taadeeb ke liye
Har daur mein rahe gi zarurat Hussain ki
ہوگا یزیدیت کا سدِ باب یوں جلیل
کرنی پڑے گی دوستو طاعت حسین کی
Hoga Yazidiyat ka sadd-e-baap yun jaleel
Karni padegi dosto taat Hussain ki
Share This Naat
Share with friends and family
خوشنودیٔ رسول ہے الفت حسین کی
حافظ عبدالجلیل