Manqabat
مُسّلَم ہے محمؐد سے وفا صدّیقِ اکبر کی
مُسّلَم ہے محمؐد سے وفا صدّیقِ اکبر کی
نہیں بھُولی ہے دُنیا کو ادا صدّیقِ اکبر کی
Musallam hai Muhammad ﷺ se wafa Siddiq-e-Akbar ki
Nahi bhooli hai duniya ko ada Siddiq-e-Akbar ki
ہم اُن کی مدح گوئی داخلِ سنّت نہ کیوں سمجھیں
نبیؐ تعریف کرتے تھے سَدا، صدّیقِ اکبر کی
Hum un ki madh goyi daakhil-e-sunnat na kyu samjhein
Nabi ﷺ tareef karte the sada, Siddiq-e-Akbar ki
رسولُ اللہ کے لُطف و کرم سے یہ مِلا رُتبہ
مدد کرتا رہا ہر دَم خدا ، صدّیقِ اکبر کی
Rasulullah ke lutf o karam se ye mila rutba
Madad karta raha har dam Khuda, Siddiq-e-Akbar ki
کلامُ اللہ میں ہے تذکرہ اُن کے محامد کا
زمانے سے بیاں ہو شان کیا صدّیقِ اکبر کی
Kalamullah mein hai tazkira un ke muhamid ka
Zamane se bayan ho shan kya Siddiq-e-Akbar ki
نجابت میں ، شرافت میں ، رفاقت میں ، سخاوت میں
ہُوئی شہرت یہ کس کی جابجا ؟صدّیقِ اکبر کی
Najabat mein, sharafat mein, rafaqat mein, sakhaawat mein
Hui shohrat ye kis ki jaba-ja? Siddiq-e-Akbar ki
وہ خود اک صدق تھے کوئی اگر اِس راز کو جانے
صداقت ہی صداقت تھی صدا صدّیقِ اکبر کی
Woh khud ek sidq the koi agar is raaz ko jaane
Sadaqat hi sadaqat thi sada Siddiq-e-Akbar ki
زمیں پر دُھوم ہے اُں کی ، فلک پر اُن کے چرچے ہیں
زمین و آسماں پر ہے ثناء صدیقِ اکبر کی
Zameen par dhoom hai un ki, falak par un ke cherche hain
Zameen o aasman par hai sana Siddiq-e-Akbar ki
مؤرِّخ دَم بخود ہے، سَر بسجدہ ہے قلم اُس کا
تعالَی اللہ ! یہ شانِ عُلیٰ، صدّیقِ اکبر کی
Mo'arikh dam bakhud hai, sar basajda hai qalam us ka
Ta'ala Allah! Ye shan-e-ula, Siddiq-e-Akbar ki
جو اُن کا ہے ، رسولُ اللہ اُس کے ہیں خدا اُس کا
ولایت کا وسیلہ ہے، وِلا صدّیقِ اکبر کی
Jo un ka hai, Rasulullah us ke hain Khuda us ka
Wilayat ka waseela hai, wala Siddiq-e-Akbar ki
کمی کیسی نصیؔر اُں کے مدارج میں ، مراتب میں
بڑی توقیر ہے نامِ خدا ، صدّیقِ اکبر کی
Kami kesi Naseer un ke madarij mein, maratib mein
Bari tauqeer hai naam-e-Khuda, Siddiq-e-Akbar ki
Share This Naat
Share with friends and family
مُسّلَم ہے محمؐد سے وفا صدّیقِ اکبر کی
سید نصیرالدیں نصیر