مجرمِ ہیبت زَدہ جب فردِ عصیاں لے چلا
لطف شہ تسکین دیتا پیش یزداں لے چلا
Mujrim-e-haibat zadah jab fard-e-asiyaan le chala
Lutf shah taskeen deta paish yazdaan le chala
دل کے آئینہ میں جو تصویر جاناں لے چلا
محفل جنت کی آرائش کا ساماں لے چلا
Dil ke aaina mein jo tasweer jaanan le chala
Mahfil jannat ki araa'ish ka saamaan le chala
رَہروِ جنت کو طیبہ کا بیاباں لے چلا
دامن دل کھینچتا خارِ مغیلاں لے چلا
Rahru-e-jannat ko tayyaba ka bayaaban le chala
Daman dil kheenchta khaar-e-magheelan le chala
گل نہ ہو جائے چراغِ زینت گلشن کہیں
اپنے سر میں میں ہوائے دشت جاناں لے چلا
Gul na ho jaye charagh-e-zeenat gulshan kahin
Apne sar mein mein hawaaye dasht jaanan le chala
رُوئے عالم تاب نے بانٹا جو باڑا نور کا
ماہِ نو کشتی میں پیالا مہر تاباں لے چلا
Roo'e aalam taab ne baanta jo bara noor ka
Mah-e-nau kashti mein pyaala mehr tabaan le chala
گو نہیں رکھتے زمانہ کی وہ دولت اپنے پاس
پر زمانہ نعمتوں سے بھر کے داماں لے چلا
Go nahi rakhte zamaana ki woh dolat apne paas
Par zamaana naimaton se bhar ke daaman le chala
تیری ہیبت سے ملا تاجِ سلاطیں خاک میں
تیری رحمت سے گدا تخت سلیماں لے چلا
Teri haibat se mila taj-e-salateen khaak mein
Teri rehmat se gada takht e suleman le chala
ایسی شوکت پر کہ اُڑتا ہے پھریرا عرش پر
جس گدا نے آرزو کی ان کو مہماں لے چلا
Aisi shauqat par ke urta hai pharera arsh par
Jis gada ne aarzoo ki un ko mehmaan le chala
دَبدبہ کس سے بیاں ہو ان کے نام پاک کا
شیر کے مونھ سے سلامت جانِ سلماں لے چلا
Dabdaba kis se bayaan ho un ke naam-e-pak ka
Sher ke moonh se salamat jaan-e-salmaan le chala
صدقے اس رحمت کے ان کو روزِ محشر ہر طرف
ناشکیبا شورِ فریادِ اَسیراں لے چلا
Sadqe us rehmat ke un ko roz-e-mahshar har taraf
Nashkiba shor-e-faryaad-e-aseeraan le chala
ساز و سامانِ گدائے کوئے سروَر کیا کہوں
ان کا منگتا سروَری کے ساز و ساماں لے چلا
Saaz o saamaan-e-gadaaye kooy-e-sarwar kya kahun
Un ka mangta sarwary ke saaz o saamaan le chala
دو قدم بھی چل نہ سکتے ہم سر شمشیر تیز
ہاتھ پکڑے رَبِّ سَلِّم کا نگہباں لے چلا
Do qadam bhi chal na sakte hum sar shamsheer taiz
Haath pakre Rabbe Salli ka nigehbaan le chala
دستگیرِ خستہ حالاں دستگیری کیجیے
پاؤں میں رَعشہ ہے سر پر بارِ عصیاں لے چلا
Dastgir-e-khasta haalaan dastgeeri keejiye
Paaon mein ra'asha hai sar par baar-e-asiyaan le chala
وقتِ آخر نااُمیدی میں وہ صورت دیکھ کر
دل شکستہ دل کے ہر پارہ میں قرآں لے چلا
Waqt-e-aakhir naa'umedi mein woh soorat dekh kar
Dil shikasta dil ke har paara mein quraan le chala
قیدیوں کی جنبش اَبرو سے بیڑی کاٹ دو
ورنہ جرموں کا تسلسل سوئے زِنداں لے چلا
Qaidiyon ki junbish abroo se beediyon kaat do
Warna jurmoun ka tasalsul soy-e-zindaan le chala
روزِ محشر شاد ہوں عاصی کہ پیش کبریا
رحم ان کو امتی گویاں و گریاں لے چلا
Roz-e-mahshar shaad hoon aasi ke paish kabriya
Rehm un ko amti, go yaan o giryaan le chala
شکل شبنم راتوں کا رونا ترا اَبر کرم
صبحِ محشر صورتِ گل ہم کو خنداں لے چلا
Shakal shabnam raatoon ka rona tera abar karam
Subah-e-Mahshar soorat-e-gul hum ko khandaan le chala
کشتگانِ ناز کی قسمت کے صدقے جائیے
ان کو مقتل میں تماشائے شہیداں لے چلا
Kushtagan-e-naaz ki qismat ke sadqe jaiye
Un ko maqtal mein tamashaye shahedaan le chala
اختر اسلام چمکا کفر کی ظلمت چھنٹی
بدر میں جب وہ ہلالِ تیغ براں لے چلا
Akhtar-e-Islam chamka kufr ki zulmat chunti
Badr mein jab woh hilaal-e-tegh baraan le chala
بزمِ خوباں کو خدا نے پہلے دیں آرائشیں
پھر مرے دولہا کو سوئے بزمِ خوباں لے چلا
Bazm-e-khuban ko khuda ne pehle deen aaraishes
Phir mere dulha ko soy-e-bazm-e-khuban le chala
اللہ اللہ صَرصَرِ طیبہ کی رنگ آمیزیاں
ہر بگولا نزہت سروِ گلستاں لے چلا
Allah Allah sarsar-e-tayyaba ki rang aameziyaan
Har bagula nazhat sarv-e-gulistan le chala
غمزدوں کو جب شفاعت نے کیا امیدوار
عفو خوشخبری سناتا پیش یزداں لے چلا
Ghamzadoun ko jab shifaat ne kiya umeedwar
Afu khushkhabri sunata paish yazdaan le chala
قطرہ قطرہ اُن کے گھر سے بحر عرفاں ہو گیا
ذَرَّہ ذَرَّہ اُن کے دَر سے مہر تاباں لے چلا
Qatra qatra un ke ghar se bahr-e-arifan ho gaya
Zarra zarra un ke dar se mehr tabaan le chala
صبح محشر ہر اَدائے عارِضِ روشن میں وہ
شمع نور اَفشاں پئے شامِ غریباں لے چلا
Subah-e-mahshar har ada-e-aariz-e-roshan mein woh
Shama noor afshan paye shaam-e-ghareban le chala
شافع روزِ قیامت کا ہوں اَدنیٰ امتی
پھر حسنؔ کیا غم اگر میں بارِ عصیاں لے چلا
Shafi' roz-e-qayamat ka hoon adna amti
Phir Hassan kya gham agar mein baar-e-asiyaan le chala
Share This Naat
Share with friends and family
مجرمِ ہیبت زَدہ جب فردِ عصیاں لے چلا
حسن رضا خان