مجھے چنا گیا لاکھوں میں آزمائش کو
یہ میرا اپنا مقدر ہے خوش نصیب ہوں میں
Mujhe chuna gaya laakhon mein aazmaish ko
Yeh mera apna muqaddar hai khush naseeb hoon mein
تھے یوں تو لاکھوں ہی زائر منیٰ کے میداں میں
پر آگ نے مجھے تاکا، یہ حکمِ ربی تھا
Thay yoon to laakhon hi zair-e-Minaa ke meydan mein
Par aag ne mujhe taaka, yeh hukum-e-Rabbi tha
میں بچ نکلتا، یہ میرے لیے نہ تھا مشکل
میں ماں کو چھوڑتا کیسے اس آگ کے اندر
Mein bach nikalta, yeh mere liye na tha mushkil
Mein maa ko chhodta kaise us aag ke andar
گھسیٹتا انہیں میں لے گیا پہاڑی پر
پہنچنے والے تھے اوپر مگر تبھی امی
Ghaseetta unhe mein le gaya pahadi par
Pohnchnay wale thay oopar magar tabhi ammi
نڈھال ہو کے گریں اور ہوگئیں بے ہوش
یہ وقت وہ تھا کہ آگ آگئی ہمارے قریب
Nidhaal ho ke girain aur hogayin be hosh
Yeh waqt woh tha ke aag agayi hamare qareeb
بدن سے میں نے چھپایا پھر اپنی امی کو
اور آگ مجھ کو جھلستی ہوئی نکلتی گئی
Badan se maine chupaya phir apni ammi ko
Aur aag mujh ko jhulti hui nikalti gayi
وہ ایک لمحہ کہ مرنے کا جب ہوا احساس
دھوئیں نے روک دیں سانسیں اس ایک پل کے لیے
Woh ek lamha ke marne ka jab hua ehsas
Dhooen ne rok deen saansen us ek pal ke liye
زباں پہ جاری ہوا کلمہ اور درود شریف
خدایا تیرے نبی کا میں ایک نواسہ ہوں
Zabaan pe jari hua kalma aur Durood Shareef
Khudaya tere Nabi ka mein ek nawasa hoon
اگر میں جل گیا کیا ہوگا میرے بچوں کا
ابھی ہے مجھ کو بہت کام دین کا کرنا
Agar mein jal gaya kya hoga mere bachon ka
Abhi hai mujh ko bohot kaam deen ka karna
ابھی تو لکھنی ہیں مجھ کو بہت سی نعتیں بھی
ترے حبیبِ مکرم کا میں ثنا خواں ہوں
Abhi to likhni hain mujh ko bohot si naatein bhi
Tere Habeeb-e-Mukarram ka mein sana khwaan hoon
مجھے حوالے نہ کر آگ کے مرے مولیٰ
گناہ گار ہوں عصیاں شعار ہوں پھر بھی
Mujhe hawale na kar aag ke mere Moula
Gunahgaar hoon asiyan shi'aar hoon phir bhi
گلے میں پٹّہ ہے بغداد والے آقا کا
رگوں میں خون ہے مارہرہ والے سید کا
Gale mein patta hai Baghdad wale aaqa ka
Ragon mein khoon hai Marehra wale Sayed ka
تبھی نظر پڑی ایک خالی بس کھڑی مجھ کو
میں اس میں بیٹھا سلگتے ہوئے وہ زخم لیے
Tabhi nazar pari ek khaali bus khadi mujh ko
Mein us mein baitha sulagte hue woh zakham liye
پھر اسپتال میں داخل کیا گیا مجھ کو
اٹھارہ دن رہا مکہ کے اسپتالوں میں
Phir aspataal mein daakhil kiya gaya mujh ko
Atharah din raha Makka ke aspataalon mein
خدا کا شکر کہ ارکانِ حج ہوئے پورے
سماں وہ آج بھی آنکھوں میں گھوم جاتا ہے
Khuda ka shukar ke arkaan-e-Hajj hue poore
Samaan woh aaj bhi aankhon mein ghoom jaata hai
نہ جانے کتنے نفر آگ میں شہید ہوئے
بہت سے ہوگئے معذور زندگی بھر کو
Na jaane kitne nafar aag mein shaheed hue
Bohot se hogaye maazoor zindagi bhar ko
خدا نہ ایسی مصیبت دوبارہ لائے کبھی
سلامتی میں ہوں سارے کے سارے حج پورے
Khuda na aisi museebat dobaara laaye kabhi
Salaamati mein hoon saare ke saare Hajj poore
عبادتوں میں نہ رخنہ پڑے کبھی کوئی
منیٰ کے سارے شہیدو تمہیں ہمارا سلام
Ibadaton mein na rukhna paday kabhi koi
Minaa ke saare shaheedo tumhein hamara salaam
تمہیں تو حج سے بھی بڑھ کر کہیں ملا انعام
Tumhein to Hajj se bhi badh kar kahin mila inaam
Share This Naat
Share with friends and family
مجھے چنا گیا لاکھوں میں آزمائش کو
سید آل رسول حسنین میاں برکاتی نظمی