مجھے بھی لائے گا شوقِ سفر ’’مواجہ‘‘ پر
شبِ فراق کی ہو گی سحر ’’مواجہ‘‘ پر
Mujhe bhi laye ga shoq-e-safar "Muwajah" par
Shab-e-firaq ki ho gi seher "Muwajah" par
زباں سے عرضِ تمنا نہ کر سکا لیکن
کھڑا تھا ہاتھ، مگر باندھ کر ’’مواجہ‘‘ پر
Zuban se arz-e-tamna na kar saka lekin
Khara tha hath, magar bandh kar "Muwajah" par
ازل سے محوِ سفر ہے ہمارا ذوقِ نظر
تمام ہو گا ہمارا سفر ’’مواجہ‘‘ پر
Azal se mahw-e-safar hai humara zoq-e-nazar
Tamam ho ga humara safar "Muwajah" par
اُنہیؐ کے جود و عطا کا جہاں میں شہرہ ہے
یہیؐ لٹاتے ہیں لعل و گہر ’’مواجہ‘‘ پر
Unhi ke jud o ata ka jahan mein shehra hai
Yehi lutate hain laal o gaher "Muwajah" par
طبیبو ! جاؤ تمہارے یہ بس کا روگ نہیں
ملیں گے مجھ کو مرے چارہ گر ’’مواجہ‘‘ پر
Tabeebo! Jao tumhare ye bas ka rog nahin
Milen ge mujhe mere charah gar "Muwajah" par
نہ دیکھ پایا ’’مواجہ شریف‘‘ جی بھر کے
جھُکی جھُکی سی پڑی ہے نظر ’’مواجہ‘‘ پر
Na dekh paya "Muwajah Sharif" ji bhar ke
Jhuki jhuki si pari hai nazar "Muwajah" par
غموں کی دھوپ سے مل جائے گی نجات مجھے
نصیب میں ہے اگر دوپہر ’’مواجہ‘‘ پر
Ghamon ki dhoop se mil jaye gi nijat mujhe
Naseeb mein hai agar dopeher "Muwajah" par
مرادیں مانگ لو دونوں جہاں کی مولا سے
چلے ہی آئے ہو اشفاقؔ گر ’’مواجہ‘‘ پر
Muraden maang lo donon jahan ki Maula se
Chale hi aaye ho Ashfaq gar "Muwajah" par
Share This Naat
Share with friends and family
مجھے بھی لائے گا شوقِ سفر ’’مواجہ‘‘ پر
اشفاق احمد غوری