مجھے نہ مژدہء کیفیتِ دوامی دے
مرے خدا ! مجھے اعزازِ ناتمامی دے
Mujhe na mujdah e kefiyat e dawami de
Mere Khuda ! mujhe aezaz e natawami de
میں تیرے چشمہء رحمت سے شاد کام تو ہوں
کبھی کبھی مجھے احساسِ تشنہ کامی دے
Main tere chashma e rehmat se shad kaam to hun
Kabhi kabhi mujhe ehsas e tishna kami de
مجھے کسی بھی معزز کا ہم رکاب نہ کر
میں خود کماؤں جسے ‘ بس وہ نیک نامی دے
Mujhe kisi bhi moazzaz ka hum rakab na kar
Main khud kamaun jise ' bas woh naik nami de
وہ لوگ جو کئی صدیوں سے ہیں نشیب نشیں
بلند ہوں ‘ تو مجھے بھی بلند بامی دے
Woh log jo kayi sadiyon se hain nasheeb nasheen
Buland hon ‘ to mujhe bhi buland bami de
تری زمین پہ تیرے چمن رہیں آباد
جو دشتِ دِل ہے ‘ اُسے بھی تو لالہ خامی دے
Teri zameen pe tere chaman rahain aabaad
Jo dasht e dil hai ‘ use bhi to laala khami de
بڑا سُرور سہی تجھ سے ہمکلامی میں
بس ایک بار مگر ذوقِ خود کلامی دے
Bara suroor sahi tujh se hum kalami mein
Bas aik baar magar zauq e khud kalami de
میں دوستوں کی طرح خاک اُڑا نہیں سکتا
میں گردِ راہ سہی ‘ مجھ کو نرم گامی دے
Main doston ki tarah khaak uda nahi sakta
Main gard e raah sahi ‘ mujhe narm gami de
عدوئے نم ہوں ‘ تو کر آندھیوں کی نذر ‘ مگر
رفیق گلِ ہوں ‘ تو مجھ کو صبا خرامی دے
Adu e nam hon ‘ to kar aandhiyon ki nazr ‘ magar
Rafiq e gul hon ‘ to mujhe saba khirami de
اگر گِروں تو کچھ اس طرح سَر بلند گروں
کہ مار کر ‘ مرا دشمن مجھے سلامی دے
Agar girun to kuch is tarah sar buland garun
Ke maar kar ‘ mera dushman mujhe salami de
Share This Naat
Share with friends and family
مجھے نہ مژدہء کیفیتِ دوامی دے
احمد ندیم قاسمی