مجھ سے زیادہ کمتر و کوتاہ کون ہے
تیرے سوا مرا مرے اللہ کون ہے
Mujh se zyada kamtar o kotah kaun hai
Tere siwa mera mere Allah kaun hai
اپنے ہر ایک اسمِ گرامی کا واسطہ
ہر اسم کی صفاتِ دوامی کا واسطہ
Apne har aik ism-e-grami ka wastah
Har ism ki sifat-e-dawami ka wastah
دل کو نظر کو ذہن کو حالات پر نہ چھوڑ
اک لمحہ کو بھی مجھ کو مری ذات پر نہ چھوڑ
Dil ko nazar ko zehan ko halaat par na chhod
Ik lamha ko bhi mujh ko meri zaat par na chhod
جنت کا اہل بھی نہیں دوزخ سے بھی ڈروں
تیرے کرم کی دوں نہ دہائی تو کیا کروں
Jannat ka ahl bhi nahi dozakh se bhi darun
Tere karam ki du na dahai to kya karun
ہر چند تو مجھے مری کوتاہیوں پہ ٹوک
خود تک پہنچنے سے مری آواز کو نہ روک
Har chand tu mujhe meri kotahiyon pe tok
Khud tak pohanchne se meri awaaz ko na rok
مایوس ہوں نہ تجھ سے یہ اعلان ہے ترا
حجت مرے عمل نہیں احسان ہے ترا
Mayoos hun na tujh se ye ehlaan hai tera
Hujjat mere amal nahi ehsan hai tera
تیری مدد سے مجھ کو ترا راستہ ملے
حاصل ہو تیرا قرب تو اپنا پتہ ملے
Teri madad se mujh ko tera raasta mile
Haasil ho tera qurb to apna pata mile
تیرا عطا کیا ہوا صبر و رضا نہ ہو
تو مجھ سے تیرا شکر بھی مولا ادا نہ ہو
Tera ata kiya hua sabr o raza na ho
To mujh se tera shukar bhi mola ada na ho
ہر اک خطائے ظاہر و باطن معاف کر
نوزائیدہ کی طرح مجھے پاک صاف کر
Har ek khata-e-zahir o baatin maaf kar
Nozaida ki tarah mujhe pak saaf kar
اندر کی آنکھ درد کی آواز کھول دے
مجھ پر مرے ضمیر کے سب راز کھول دے
Andar ki aankh dard ki awaaz khol de
Mujh par mere zameer ke sab raaz khol de
ملتا ہے ذہن و دل کو سکوں تیری راہ میں
پائی نجات اس نے جو آیا پناہ میں
Milta hai zehan o dil ko sukoon teri rah mein
Payi najat usne jo aaya panah mein
تاریکیِ حیات سویرے لیے چلے
جب تک ہوائے دم چلے تیرے لیے چلے
Tareeki-e-hayat saweray liye chale
Jab tak hawaye dam chale tere liye chale
محتاج کتنا ہوں میں سخی جانتا ہے تو
خاموشیوں کے سرِّ خفی جانتا ہے تو
Mohtaaj kitna hun main sakhi jaanta hai tu
Khamoshiyon ke sirr-e-khafi jaanta hai tu
مشکل سے تو نے مجھ کو نکالا ہے بارہا
پردہ مری برائی پہ ڈالا ہے بارہا
Mushkil se tu ne mujh ko nikala hai barha
Parda meri burai pe dala hai barha
سرزد نہ ہو گناہ کوئی مجھ سے بھول کر
توبہ قبول کر مری توبہ قبول کر
Sarzad na ho gunah koi mujh se bhool kar
Tauba qubool kar meri tauba qubool kar
تجھ کو پکارتا ہوں زبانِ امید سے
محروم حشر میں نہ رہوں تیری دید سے
Tujh ko pukarta hun zuban-e-umeed se
Mehroom hashr mein na rahun teri deed se
طوبیٰ کے پیڑ کا مجھے سایہ نصیب ہو
میرا قیام میرے نبیؐ کے قریب ہو
Tuba ke paid ka mujhe saya naseeb ho
Mera qiyam mere Nabiؐ ke qareeb ho
بعدِ فنا بھی تشنگیوں کو غنی کروں
بابِ فلک کی نہر میں غوطہ زنی کروں
Baad-e-fana bhi teshnagi ko gani karun
Bab-e-flak ki nehar mein ghota zani karun
شیطان کی مراد ہو پوری نہ اے خدا
دینا عذابِ ذلتِ دوری نہ اے خدا
Shaitan ki muraad ho poori na aye Khuda
Dena azaab-e-zillat-e-doori na aye Khuda
اپنی عبادتوں میں مسلسل لگائے رکھ
پیاسا ہوں میرے ساتھ یہ بادل لگائے رکھ
Apni ibadaton mein musalsal lagae rakh
Pyaasa hun mere saath ye badal lagae rakh
یوں اپنی بارگاہ میں اذن قیام دے
ہر ایک سجدے کو مرے عمرِ دوام دے
Yun apni bargah mein izn-e-qayam de
Har aik sajde ko mere umr-e-dawam de
جاری رہے ان آنکھوں سے اشکوں کا سلسلہ
جس کو ملا ادھر سے بہت جلد تو ملا
Jaari rahe in aankhon se ashkon ka silsila
Jis ko mila udhar se bohat jald to mila
مل جائے تو تو کچھ بھی نہیں مجھ کو چاہیے
بس علم و حق و عین یقیں مجھ کو چاہیے
Mil jaaye to tu kuch bhi nahi mujh ko chahiye
Bas ilm o haq o ain yaqeen mujh ko chahiye
Share This Naat
Share with friends and family
مجھ سے زیادہ کمتر و کوتاہ کون ہے
مظفر وارثی