مجھ کو پہنچا دے خدا احمد مختار کے پاس
حالِ دل عرض کروں سید اَبرار کے پاس
Mujh ko pohncha de Khuda Ahmad Mukhtar ke paas
Haal-e dil arz karun Sayyad Abrar ke paas
جس کو دیکھو وہ اِسی دَر پہ چلا آتا ہے
بھیڑ ہے شاہ و گدا کی دَرِ سرکار کے پاس
Jis ko dekho woh isi dar pe chala aata hai
Bheer hai Shah o gada ki dar-e Sarkar ke paas
بے طلب جس کو جو چاہیں وہ عطا کرتے ہیں
سب خزانے ہیں مرے مَالک و مختار کے پاس
Be talab jis ko jo chahen woh ata karte hain
Sab khazane hain mere Malik o Mukhtar ke paas
دولت و فضل و کرم نعمت و جاہ و اِقبال
کونسی چیز نہیں ہے مرے سرکار کے پاس
Daulat o fazl o karam neamat o jah o iqbal
Kaunsi cheez nahin hai mere Sarkar ke paas
بادشاہانِ جہاں دَست نگر ہیں ان کے
ہاتھ پھیلائے کھڑے رہتے ہیں دَربار کے پاس
Badshahan-e jahan dast nagar hain un ke
Hath phelaye khade rehte hain darbar ke paas
یہ محبت ہے کہ آوازِ اَغِثْنِی سن کر
دوڑے آتے ہیں وہ ہر ایک گرفتار کے پاس
Yeh mohabbat hai ke awaaz-e aghisni sun kar
Dore aate hain woh har aik giraftar ke paas
دل پہ کندہ ہے ترا اِسمِ گرامی شاہا
زہد و طاعت سے نہیں کچھ بھی گہنگار کے پاس
Dil pe kondah hai tera ism-e Grami Shaha
Zuhd o taat se nahin kuch bhi gahngar ke paas
یا خدا حشر ہے یا عید ہے مشتاقوں کی
کہ چلے آتے ہیں وہ طالب دِیدار کے پاس
Ya Khuda hashr hai ya eid hai mushtaqon ki
Ke chale aate hain woh talib didar ke paas
یارسولِ عربی میری شفاعت کرنا
پیش اَعمال ہوں جب واحدِ قہار کے پاس
Ya Rasool-e Arabi meri shafaat karna
Pesh aamal hoon jab Wahid-e Qahhar ke paas
دیکھ کر روضۂ پرنور کو ایسا تڑپوں
دم نکل جائے مرا آپ کی دیوار کے پاس
Dekh kar roza-e purnoor ko aisa tarapoon
Dam nikal jaye mera aap ki deewar ke paas
ہے شہیدی کی طرح عرضِ جمیلؔ رَضوی
میری تربت بھی بنے آپ کی دیوار کے پاس
Hai Shahidi ki tarah arz-e Jamil Razvi
Meri turbat bhi bane aap ki deewar ke paas
Share This Naat
Share with friends and family
مجھ کو پہنچا دے خدا احمد مختار کے پاس
جمیل الرحمن قادری