محمد مظہرِ کامل ہے حق کی شانِ عزّت کا
نظر آتا ہے اِس کثرت میں کچھ انداز وحدت کا
Muhammad maz'har-e-kaamil hai Haq ki shaan-e-izzat ka
Nazar aata hai is kasrat mein kuch andaaz wahdat ka
یہی ہے اصل عالم مادّہ ایجادِ خلقت کا
یہاں وحدت میں برپا ہے عجب ہنگامہ کثرت کا
Yahi hai asal aalam-e-maadda ijaad-e-khalqat ka
Yahan wahdat mein barpa hai ajab hungama kasrat ka
گدا بھی منتظر ہے خلد میں نیکوں کی دعوت کا
خدا دِن خیر سے لائے سخی کے گھر ضیافت کا
Gada bhi muntazir hai khald mein nekon ki dawat ka
Khuda din khair se laaye sakhi ke ghar ziyaafat ka
گنہ مَغفُور، دل روشن، خنک آنکھیں ، جگر ٹھنڈا
تَعَالَی اللہ! مَاہِ طیبہ عالم تیری طلعت کا
Gunah maghfoor, dil roshan, khanak aankhen, jigar thanda
Ta'ala Allah! Maah-e-Tayyiba aalam teri taallat ka
نہ رکھی گل کے جوشِ حسن نے گلشن میں جَا باقی
چٹکتا پھر کہاں غنچہ کوئی باغِ رسالت کا
Na rakhi gul ke josh-e-husn ne gulshan mein jaa baaqi
Chhatakta phir kahan ghuncha koi bagh-e-risaalat ka
بڑھا یہ سِلسلہ رحمت کا دَورِ زلفِ والا میں
تسلسل کالے کوسوں رہ گیا عِصیاں کی ظلمت کا
Barha yeh silsila rehmat ka daur-e-zulf-e-waala mein
Tasalsul kaale koson reh gaya isyan ki zulmat ka
صَفِ مَاتَم اُٹھے، خالی ہوزِنداں ، ٹوٹیں زَنجیریں
گنہگارو! چلو مولیٰ نے دَر کھولا ہے جنت کا
Saf-e-maatam uthay, khaali ho zindaan, tootein zanjeerein
Gunahgaro! chalo Maula ne dar khola hai jannat ka
سکھایا ہے یہ کس گستاخ نے آئینہ کو یارب
نَظَّارہ رُوئے جاناں کا بہانہ کر کے حیرت کا
Sikhaya hai yeh kis gustaakh ne aaina ko Ya Rab
Nazzara rooy-e-jaan'n ka bahaana kar ke hairat ka
اِدھر ُامّت کی حسرت پر اُدھر خالق کی رحمت پر
نِرالا طَور ہوگا گردشِ چشم شفاعَت کا
Idhar ummat ki hasrat par udhar Khaaliq ki rehmat par
Nirala taur hoga gardish-e-chashm-e-shifaat ka
بڑھیں اِس دَرجہ موجیں کثرتِ اَفضالِ والا کی
کنارہ مل گیا اس نہر سے دریائے وَحدت کا
Barhein is darja moujein kasrat-e-afzaal-e-waala ki
Kinara mil gaya is nehr se darya-e-wahdat ka
خَمِ زُلفِ نبی ساجد ہے محرابِ دو اَبرو میں
کہ یارب تو ہی والی ہے سِیہ کارانِ اُمّت کا
Kham-e-zulf-e-Nabi sajid hai mehrab-e-do abroo mein
Ke Ya Rab tu hi wali hai siyah kaaran-e-ummat ka
مدد اے جوشِشِ گِریہ بہا دے کوہ اور صحرا
نظَر آ جائے جلوہ بے حجاب اس پاک تُربت کا
Madad ae joshish-e-giriya baha de koh aur sahra
Nazar aa jaye jalwa be-hijaab us paak turbat ka
ہوئے کَمخوابیَ ہِجراں میں ساتوں پردے کمخوابی
تصور خوب باندھا آنکھوں نے اَستارِ تُربت کا
Hue kamkhaabiya hijran mein saaton parde kamkhaabi
Tasawwur khoob baandha aankhon ne astaare turbat ka
یقیں ہے وَقْتِ جلوہ لغزشیں پائے نگہ پائے
ملے جوشِ صَفائے جسم سے پابوس حضرت کا
Yaqeen hai waqt-e-jalwa lagzishen paaye nigah paaye
Mile josh-e-safaaye jism se paaboos Hazrat ka
یہاں چھڑکا نمَک وَاں مَرْہمِ کافور ہاتھ آیا
دِلِ زَخمی نمک پَروَردَہ ہے کس کی مَلاحَت کا
Yahan chhidka namak waan marham-e-kafoor haath aaya
Dil-e-zakhmi namak parwarda hai kis ki malahatt ka
الہٰی منتظر ہوں وہ خِرامِ ناز فَرمائیں
ِبچھا رکھا ہے فرش آنکھوں نے کمخوابِ بَصارَت کا
Ilahi muntazir hoon woh khiraam-e-naaz farmaayein
Bichha rakha hai farsh aankhon ne kamkhaab-e-basaarat ka
نہ ہو آقا کو سجدہ آدَم و یوسُف کو سجدہ ہو
مگر سَدِّ ذَرائع داب ہے اپنی شریعت کا
Na ho Aaqa ko sajda Adam o Yusuf ko sajda ho
Magar sadd-e-zaraye daab hai apni shari'at ka
زَبانِ خار کِس کِس دَرد سے اُن کو سناتی ہے
تڑپنا دَشت طیبہ میں جِگر اَفگار فُرقَت کا
Zabaan-e-khaar kis kis dard se un ko sunaati hai
Tarapna dasht-e-Tayyiba mein jigar afgar furqat ka
سِرھانے ان کے بِسْمِل کے یہ بیتابی کا ماتَم ہے
شہِ کوثر تَرَحم تشنہ جاتا ہے زیارت کا
Sirhaane un ke bismil ke yeh betaabi ka maatam hai
Shah-e-Kausar tarahhum tishna jaata hai ziyaarat ka
جنھیں مر قد میں تا حشر اُ مّتی کہہ کر پکارو گے
ہمیں بھی یاد کر لو اُن میں صدقہ اپنی رَحمت کا
Jinhein marqad mein taa hashr ummati keh kar pukaarein ge
Humein bhi yaad kar lo un mein sadqa apni rehmat ka
وہ چمکیں بجلیاں یارب تجلّیہائے جاناں سے
کہ چشم طور کا سُرمہ ہو دِل مشتاق رُویت کا
Woh chamken bijliyaan Ya Rab tajalli-haaye jaan'n se
Ke chashm-e-Toor ka surma ho dil mushtaaq rooyat ka
رضاؔئے خستہ! جوشِ بَحرِ عصیاں سے نہ گھبرانا
کبھی تو ہاتھ آجائے گا دامن اُن کی رحمت کا
Raza-e-khasta! josh-e-bahr-e-isyan se na ghabraana
Kabhi to haath aa jaaye ga daaman un ki rehmat ka
Share This Naat
Share with friends and family
محمد مظہرِ کامل ہے حق کی شانِ عزّت کا
احمد رضا خان بریلوی