مٹتے ہیں جہاں بھر کے آلام مدینے میں
بگڑے ہوئے بنتے ہیں سب کام مدینے میں
Mit'te hain jahan bhar ke aalaam Madine mein
Bigre huye bant'te hain sab kaam Madine mein
آقا کی عنایت ہے ہرگام مدینے میں
ہوتا نہیں کوئی بھی ناکام مدینے میں
Aaqa ki inayat hai har gaam Madine mein
Hota nahi koi bhi nakaam Madine mein
اے حاجیو! رو رو کر کہدینا سلام ان سے
لے جاؤ غریبوں کا پیغام مدینے میں
Aye hajiyo! ro ro kar keh dena salaam un se
Le jao ghariboon ka paighaam Madine mein
آجاؤ گنہگارو بے خوف چلے آؤ
سرکار کی رحمت تو ہے عا م مدینے میں
Aajao gunahgaaro be khauf chale aao
Sarkar ki rehmat to hai aam Madine mein
وہ شافِعِ محشر تو بُلوا کے غلاموں کو
دیتے ہیں شَفاعت کا اِنعام مدینے میں
Woh shafi'e mehshar to bulwa ke ghulamon ko
Dete hain shafaat ka in'aam Madine mein
چھیڑو نہ طبیبو تم بیمارِمدینہ کو
اِس کو تو ملے گا بس آرام مدینے میں
Chheron na tabeebo tum beemaar-e-Madina ko
Is ko to mile ga bas aaraam Madine mein
جتنے بھی مبلِّغ ہیں ہو خاص کرم اُن پر
سب آئیں شَہَنشاہِ اِسلام مدینے میں
Jitne bhi muballigh hain ho khaas karam un par
Sab aain shahanshah-e-Islam Madine mein
دربار میں جب پہنچوں اے کاش! شہا اُس دم
دیدار کا ہو جائے اِنعام مدینے میں
Darbaar mein jab pahunchoon aye kaash! shaha us dam
Deedaar ka ho jaye in'aam Madine mein
اے کاش! کہ رو رو کر دم توڑ دوں قدموں میں
ہو جائے مِرا بِالخیر انجام مدینے میں
Aye kaash! ke ro ro kar dam toor doon qadmon mein
Ho jaye mera bil-khair anjaam Madine mein
اللہ قِیامت تک جس کا نہ خُمار اُترے
اُلفت کا پیوں ایسا اِک جام مدینے میں
Allah qiyamat tak jis ka na khumar ut're
Ulfat ka pi'oon aisa ik jaam Madine mein
اے کاش! تڑپ کر میں سرکار لگوں گرنے
اور آپ مجھے بڑھ کر لیں تھام مدینے میں
Aye kaash! tarap kar main sarkar lagoon girne
Aur aap mujhe barh kar lein thaam Madine mein
بُلوا کے بقیع آقا حَسنَین کے صدقے میں
عیدی میں عطا کر دو اِنعام مدینے میں
Bulwa ke baqi'a aaqa Hasanain ke sadqe mein
Eidi mein ata kar do in'aam Madine mein
وہ اپنے غلاموں کو شفقت سے پلاتے ہیں
بھر بھر کے مئے الفت کے جام مدینے میں
Woh apne ghulamon ko shafqat se pilate hain
Bhar bhar ke maye ulfat ke jaam Madine mein
انساں کے بجائے میں اے کاش! مقدَّر سے
ہوتا کوئی ادنیٰ سگ گمنام مدینے میں
Insaan ke bajaye main aye kaash! muqaddar se
Hota koi adna sag gumnaam Madine mein
جب شاہِ مدینہ نے پردہ کیا دنیا سے
وَاللہ گیا تھا مچ کُہرام مدینے میں
Jab shaah-e-Madina ne parda kya duniya se
Wallah gaya tha mach kahraam Madine mein
عطارؔ پہ اب ایسا اے کاش! کرم ہو جائے
مکّے میں سَحَر گزرے تو شام مدینے میں
Attar pe ab aisa aye kaash! karam ho jaye
Makke mein sahar guzre to shaam Madine mein
Share This Naat
Share with friends and family
مٹتے ہیں جہاں بھر کے آلام مدینے میں
الیاس عطار قادری