مثلِ شبّیر کوئی حق کا پرستار تو ہو
دورِ حاضرمیں کسی کا وہی کردار تو ہو
Masl-e-Shabbir koi haq ka parastar to ho
Daur-e-hazir mein kisi ka wohi kirdar to ho
ابنِ حیدر کی طرح پیکرِ ایثار تو ہو
ایسا دُنیا میں کوئی قافلہ سالار تو ہو
Ibn-e-Haider ki tarah paikar-e-eesar to ho
Aisa duniya mein koi qafila salar to ho
آج بھی گرمیء بازارِ شہادت ہے وہی
کوئی آگے تو بڑھے ، کوئی خریدار تو ہو
Aaj bhi garmi-e-bazaar-e-shahadat hai wohi
Koi aagay to barhay, koi kharidar to ho
ظلم سے عُہدہ بر آ ہونے کی ہمّت نہ سہی
کم سے کم حق کا دل و جان سے اقرار تو ہو
Zulm se uhda-bar-a honay ki himmat na sahi
Kam se kam haq ka dil-o-jaan se iqrar to ho
عین ممکن ہے کہ سو جائیں یہ سارے فتنے
ذہن انساں کا ذرا خواب سے بیدار تو ہو
Ain mumkin hai ke so jaayein yeh saaray fitnay
Zehan insaan ka zara khwab se bedaar to ho
میرا ذمّہ ، ہمہ تن گوش رہے گی دُنیا
ڈھنگ کی بات تو ہو، بات کا معیار تو ہو
Mera zimma, hama-tan-gosh rahe gi duniya
Dhang ki baat to ho, baat ka miyaar to ho
عافیت کے لیے درکار ہے دامانِ حسین
ظلم کی دُھوپ میں یہ سایہء دیوار تو ہو
Aafiyat ke liye darkaar hai daman-e-Hussain
Zulm ki dhoop mein yeh saayah-e-deewar to ho
دل میں ماتم ہے ، تو آنکھوں میں ہے اشکوں کا ہجوم
میرے مانند کوئی اُن کا عزادار تو ہو
Dil mein maatam hai, to aankhon mein hai ashkon ka hujoom
Mere manand koi un ka azadaar to ho
عین ممکن ہے نصیرؔ! آلِ محمدؐ کا کرم
کوئی اِس پاک گھرانے کا نمک خوار تو ہو
Ain mumkin hai Naseer! Aal-e-Muhammadؐ ka karam
Koi is paak gharanay ka namak khwar to ho
Share This Naat
Share with friends and family
مثلِ شبّیر کوئی حق کا پرستار تو ہو
سید نصیرالدیں نصیر