ملا ہے عشق محمدؐ سے یہ وقار مجھے
کہ اب گدا نظر آتے ہیں شہر یار مجھے
Mila hai ishq-e-Muhammad (ﷺ) se yeh waqar mujhe
Ke ab gada nazar aate hain shehryar mujhe
یہاں خیال ہے میرا نہ دل نہ دل کا قرار
بلا ہی لیجئے آقا ئے نامدار مجھے
Yahan khayal hai mera na dil na dil ka qarar
Bula hi lijiye aaqa-e-namdar mujhe
جہاں کہیں مری گرداب میں گھری کشتی
حضورؐ ہی کے کرم نے کیا ہے پار مجھے
Jahan kahin meri gardab mein ghari kashti
Huzoor (ﷺ) hi ke karam ne kiya hai paar mujhe
شعار جس کا کریمی ہے دونوں عالم میں
خوشا نصیب ملا ایسا غمگسار مجھے
Sha’ar jis ka karimi hai dono aalam mein
Khusha naseeb mila aisa ghamgusar mujhe
گماں گزرتا ہے جیسے ہوں خود مدینے میں
جو یاد آتا ہے سرکارؐ کا دیار مجھے
Guman guzarta hai jaise hoon khud madine mein
Jo yaad aata hai Sarkar (ﷺ) ka diyar mujhe
میں اک نظر پہ تصدق کروں دو عالم کو
قسم خدا کی خدا دے جو اختیار مجھے
Main ik nazar pe tasadduq karoon do aalam ko
Qasam khuda ki Khuda de jo ikhtiyar mujhe
چھپا لیا تری رحمت نے اپنے دامن میں
جو دیکھا اپنی خطاؤں پہ شرمسار مجھے
Chhupa liya teri rehmat ne apne daaman mein
Jo dekha apni khataon pe sharmsar mujhe
جہاں پناہ جہاں ہے پناہ خالدؔ کو
دکھائی دیتا ہے بس آپ ؐ کا دیار مجھے
Jahan panaah jahan hai panaah Khalid ko
Dikhai deta hai bas aap (ﷺ) ka diyar mujhe
Share This Naat
Share with friends and family
ملا ہے عشق محمدؐ سے یہ وقار مجھے
خالد محمود خالد