مدحتوں کا قرینہ ملا آپ سے
حرف و فن کا خزینہ ملا آپ سے
Midhaton ka qareena mila aap se
Harf o fun ka khazeena mila aap se
دل کی تاریکیوں میں ضیا آگئی
دل میں روشن ہوا ہے دیا آپ سے
Dil ki tareekiyon mein zia aagai
Dil mein roshan hua hai diya aap se
دور طیبہ سے رہ کر بھی دوری نہیں
ربط ہے قلب و جاں کا ہوا آپ سے
Door Taiba se reh kar bhi doori nahi
Rabt hai qalb o jaan ka hua aap se
جس طرف سے سواری گزرتی گئی
ہو گیا کہکشاں راستہ آپ سے
Jis taraf se sawari guzarti gayi
Ho gaya kehkashaan rasta aap se
ورد صلِ علی کا میں کرتی رہی
فیض مجھ کو ملا بے بہا آپ سے
Wird sale ala ka mein karti rahi
Faiz mujh ko mila be baha aap se
جب سے زہرہ کے در کی غلامی ملی
مل گئے ہیں خزانے شہا آپ سے
Jab se Zahra ke dar ki ghulami mili
Mil gaye hain khazane shaha aap se
رحمتیں مل گئیں روشنی آگئی
حالِ دل ناز نے جب کہا آپ سے
Rehmatain mil gayeen roshni aagai
Haal-e-dil naaz ne jab kaha aap se
Share This Naat
Share with friends and family
مدحتوں کا قرینہ ملا آپ سے
صفیہ ناز