مرے ویراں نگر میں بھی مرے آقاؐ بہار آئے
ترے در پر اگر پہنچوں تو اس دل کو قرار آئے
Mare veran nagar mein bhi mere aqaﷺ bahar aaye
Tere dar par agar pohnchun to is dil ko qarar aaye
درِ اقدس کا یہ اسلوب ہر عالم نے دیکھا ہے
خوشی سے جھومتے لوٹے ہیں جو بھی اشکبار آئے
Dar-e-Aqdas ka ye asloob har alam ne dekha hai
Khushi se jhoomtay lotay hain jo bhi ashkbar aaye
نہ گبھرائو نہ شرمائو کہو ’’اَدْرِکْنِی‘‘ اے آقاؐ
یہ در ایسے سخی کا ہے جسے منگتوں پہ پیار آئے
Na gabhrayo na shurmayo kaho "Adrishni" ae aqaﷺ
Ye dar aise sakhi ka hai jise mangto pe pyar aaye
پناہِ بے کساں ہو اِس لیے ہر ایک مشکل میں
تمہارا نام ہی لب پر سدا بے اختیار آئے
Panah-e-bay kasaan ho is liye har aik mushkil mein
Tumhara naam hi lab par sada bay ikhtiyar aaye
رہا ہر حال میں تیرا کرم سایہ فگن مجھ پر
پریشانی کے عالم زندگی میں تو ہزار آئے
Raha har haal mein tera karam saaya fagan mujh par
Pareshani ke aalam zindagi mein to hazar aaye
خدا نے کہہ کے ’’جائوکَ‘‘ تمہارے در پہ بھیجا ہے
کرم ہو زندگی ہم بھی گناہوں میں گزار آئے
Khuda ne keh ke "Ja yo K" tumhare dar pe bheja hai
Karam ho zindagi hum bhi gunahun mein guzar aaye
تمہاری دید کی ہر دور میں خیرات بٹتی ہے
کوئی نظروں کو پاکیزہ کرے دل کو سنوار آئے
Tumhari deed ki har dor mein khairat bat ti hai
Koi nazron ko pakeeza kare dil ko sanwar aaye
ہے سب ممکن جو تم چاہو کرو منظوریاں ایسی
تیرے دربارِ عالی پر یہ احقر بار بار آئے
Hai sab mumkin jo tum chaho karo manzoriyaan aisi
Tere darbar-e-aali par ye aqar bar bar aaye
وفا کے نام لیوا عشق کے داعی ذرا سن لیں
اسے صدیقؓ کہتے ہیں جو ہر شے اُن پہ وار آئے
Wafa ke naam lewa ishq ke daai zara sun len
Ise Siddiqؓ kehte hain jo har shay un pe waar aaye
حیا آقاؐ کی سیرت کا رہے پیشِ نظر ہر دم
ترے کردار میں بھی اے شکیلؔ ایسا نکھار آئے
Haya aqaﷺ ki seerat ka rahe pesh-e-nazar har dam
Tere kirdaar mein bhi ae Shakeelؔ aisa nkhhar aaye
Share This Naat
Share with friends and family
مرے ویراں نگر میں بھی مرے آقاؐ بہار آئے
محمد شکیل نقشبندی