میرے نبیؐ کا حسن بھی جمال بھی کمال ہے
حبیبِ کبریاؐ بھی اُنؐ کی آل بھی کمال ہے
Mere Nabi (S.A.W) ka husn bhi jamal bhi kamal hai
Habib-e-Kibriya (S.A.W) bhi un ki aal bhi kamal hai
علیء مرتضیٰؓ، حسنؓ، حسینؓ اور فاطمہؓ
ابوبکرؓ ، عمرؓ ، غنیؓ ، بلالؓ بھی کمال ہے
Ali-e-Murtaza (R.A), Hasan (R.A), Hussain (R.A) aur Fatima (R.A)
Abu Bakr (R.A), Umar (R.A), Ghani (R.A), Bilal (R.A) bhi kamal hai
لیے ہیں جس کے بوسے دوجہاں کے تاجدار نے
نواسہءؓ رسولؐ کا وہ گال بھی کمال ہے
Liyey hain jis ke bosay do jahan ke tajdar ne
Nawasa-e-Rasool (S.A.W) ka woh gaal bhi kamal hai
جہان بھر کے تاج و تخت جوتیوں کی نوک پر
غلامِ مصطفیؐ کی چال ڈھال بھی کمال ہے
Jahan bhar ke taj o takht jution ki nok par
Ghulam-e-Mustafa (S.A.W) ki chaal dhal bhi kamal hai
رکاب خوش نصیب ہے مہار ہے عظیم تر
مرے نبیؐ کی اونٹنی کی چال بھی کمال ہے
Rukaab khush naseeb hai mahar hai azeem tar
Mere Nabi (S.A.W) ki oontni ki chaal bhi kamal hai
جب آئے بے قرار دل میں راحتیں بکھیر دے
قرارِ جاں کی یاد بھی خیال بھی کمال ہے
Jab aaye be qaraar dil mein raahatein bikher de
Qarar-e-jaan ki yaad bhi khayal bhi kamal hai
کمال ہے ولادتِ سعید کی گھڑی گھڑی
وہ ماہ بھی کمال ہے وہ سال بھی کمال ہے
Kamal hai wiladat-e-saeed ki ghari ghari
Woh maah bhi kamal hai woh saal bhi kamal hai
وصال میری مانگ ہے فراق ہے نصیب میں
فراق بھی حسین ہے وصال بھی کمال ہے
Wisaal meri maang hai faraq hai naseeb mein
Faraq bhi haseen hai wisaal bhi kamal hai
Share This Naat
Share with friends and family
میرے نبیؐ کا حسن بھی جمال بھی کمال ہے
اشفاق احمد غوری