مرے حضورؐ کی جس کے نہ دل میں ہو تعظیم
حضورِ رب میں نہیں اس کی بندگی تسلیم
Mere Huzoorؐ ki jis ke na dil mein ho ta'zeem
Huzoor-e-Rab mein nahi us ki bandagi tasleem
بغیرِ حُبِ نبیؐ رائگاں عبادت ہے
رسولِ پاکؐ کی لازم ہے عزت و تکریم
Baghair-e-Hub-e-Nabiؐ raigan ibadat hai
Rasool-e-Pakؐ ki laazim hai izzat o takreem
فساد ٹل گیا تنصیب سنگِ اسود کا
انھیں ملی تھی خدا سے وہ خوبیِ تفہیم
Fasaad tal gaya tanseeb sang-e-Aswad ka
Inhein mili thi Khuda se woh khoobi-e-tafheem
جہاں سے کفر و ضلالت کے خاتمے کے لیے
حضورؐ آئے لیے آج دینِ ابراہیم
Jahan se kufr o zalalat ke khatme ke liye
Huzoorؐ aaye liye aaj deen-e-Ibrahim
فلک کا چاند جو تھا آب و تاب سے روشن
نبیؐ کی جنبشِ انگشت سے ہوا دو نیم
Falak ka chand jo tha aab o taab se roshan
Nabiؐ ki junbish-e-angusht se hua do neem
نزولِ سورۂ اقرا سے یہ ہوا ثابت
اہم فرائضِ دینی میں ایک ہے تعلیم
Nuzool-e-Surah-e-Iqra se ye hua saabit
Ahem faraiz-e-deeni mein ek hai taleem
رسولِ پاکؐ کی سنت پہ ہم اگر چلتے
نہ ہوتے فرقہ و مسلک کے درمیاں تقسیم
Rasool-e-Pakؐ ki sunnat pe hum agar chalte
Na hote firqa o maslak ke darmiyan taqseem
نبیؐ کے صدقے خدایا عدو کے شر سے بچا
تُلے ہیں ہم کو مٹانے پہ سب لعین و رجیم
Nabiؐ ke sadqe Khudaya adu ke shar se bacha
Tule hain hum ko mitane pe sab laeen o rajeem
مرے نبیؐ کی شریعت ہے ایسی مستحکم
کسی کو حق نہیں احسؔن جو کرسکے ترمیم
Mere Nabiؐ ki shariyat hai aisi mustahkam
Kisi ko haq nahi Ahsan jo kar sake tarmeem
Share This Naat
Share with friends and family
مرے حضورؐ کی جس کے نہ دل میں ہو تعظیم
احسن اعظمی