میرے حضورؐ ! آپ کا حسن و جمال بے مثال
ہر اِک ادا ہے لا جواب ہر اِک کمال بے مثال
Mere Huzoor! Aap ka husn o jamal be misaal
Har ik ada hai la jawab har ik kamal be misaal
جس کے قدم کی خاک پر اوجِ فلک بھی ہے نثار
آپؐ کے دَم سے ہوگئی شانِ بلالؓ بے مثال
Jis ke qadam ki khaak par ooj-e-falak bhi hai nisaar
Aap ke dam se hogayi shan-e-Bilal be misaal
آپؐ کی شان دیکھ کر ارض و سما نے کہہ دیا
رنگِ جمال منفرد ، شانِ جلال بے مثال
Aap ki shan dekh kar arz o sama ne keh diya
Rang-e-jamal munfarid, shan-e-jalal be misaal
شعرو سخن کے باب میں نعت کا فیض دیکھئے
آپ سے آپ ہو گئے لفظ و خیال بے مثال
She'r o sukhan ke baab mein naat ka faiz dekhiyai
Aap se aap ho gaye lafz o khayal be misaal
دونوں جہاں میں آپ ؐ کے لطف و کرم کی ہو طلب
آکے لبوں پہ جم گیا ایک سوال بے مثال
Dono jahan mein aap ke lutf o karam ki ho talab
Aake labon pe jum gaya aik sawal be misaal
فیضیؔ دیارِ نور کی رہتی ہے دل میں روشنی
کیسے نہ میرے نام ہو صبحِ کمال بے مثال
Faizi dayaar-e-noor ki rehti hai dil mein roshni
Kaise na mere naam ho subh-e-kamal be misaal
Share This Naat
Share with friends and family
میرے حضورؐ ! آپ کا حسن و جمال بے مثال
اسلم فیضی