میری ہر سانس پر اُس کی مہر نظر
میرے ہونٹوں پر کھلتا ہوا بھی وہی
meri har sans par us ki mehr nazar
mere honton par khilta hua bhi wahi
ساتھ بھی اس کے ہوں اس کو طے بھی کروں
قافلہ بھی وہی راستہ بھی وہی
saath bhi us ke hon us ko tae bhi karun
qafila bhi wahi rasta bhi wahi
راز ہستی اُن آنکھوں سے ظاہر ہوا
افتتاح جہاں اُس کی خاطر ہوا
raz hasti un ankhon se zahir hua
iftitah jahan us ki khatir hua
خاکداں کے علم اُس کے نقش قدم
سدرۂ سدرۃ المنتہا بھی وہی
khakdan ke ilm us ke naqsh-e-qadam
sidra-e-sidratal muntaha bhi wahi
قول تحقیق ہے فعل تصدیق ہے
کیوں نہ ہو علم کا وہ اتالیق ہے
qoul tehqiq hai fiel tasdeeq hai
kyun na ho ilm ka wo ataleeq hai
اس کا اُمی لقب اور سراپا ادب
فلسفی بھی وہی فلسفہ بھی وہی
is ka ummi laqab aur sarapa adab
falsafi bhi wahi falsafa bhi wahi
کتنے لوگوں کا احساں ہے تاریخ پر
ایسا انسان کوئی دکھائے مگر
kitne logon ka ehsa'n hai tareekh par
aisa insaan koi dikhaye magar
سر پہ بار ستم سنگ بستہ شکم
ساری دنیا کا فرمانروا بھی وہی
sar pe baar sitam sang basta shikam
sari duniya ka farmanrava bhi wahi
روشنی ازل کا حوالہ بھی وہ
مطلع آخری کا اجالا بھی وہ
roshni azal ka hawala bhi wo
matla akhri ka ujala bhi wo
وقت اور فاصلے اس کے محور تلے
لامکانی کا جغرافیہ بھی وہی
waqt aur fasle is ke mehvar tale
la makani ka jogarafiya bhi wahi
پوری انسانیت اُس کی ممنون ہے
وہ عدالت ہے منصف ہے قانون ہے
poori insaniyat us ki mamnoon hai
wo adalat hai munsif hai qanun hai
مصلح ہر زماں بے اماں کی اماں
مردہ روحوں کا دارالشفا بھی وہی
muslih har zamaan be amaan ki amaan
murdah ruhon ka darul-shifa bhi wahi
فکر ہے عاقبت کی مظفر اگر
جس پہ آقا چلے چل اُسی راہ پر
fikar hai aqibat ki muzaffar agar
jis pe aqa chale chal usi raah par
جس میں ہوگی رضائے شہ انبیاء
حکم صادر کرے گا خدا بھی وہی
jis mein hogi raza-e-sheh anbiya
hukam sadar kare ga khuda bhi wahi
Share This Naat
Share with friends and family
میری ہر سانس پر اُس کی مہر نظر
مظفر وارثی