حُبِ سرکار میں جو خود کو مٹا سکتا ہے
اپنے قدموں میں زمانے کو جھکا سکتا ہے
Hub-e Sarkar mein jo khud ko mita sakta hai
Apne qadmon mein zamane ko jhuka sakta hai
تو مسلماں ہے مسلماں کی صفت پیدا کر
کشتیِ دیں کو یہ نسخہ ہی بچا سکتا ہے
Tu Musalman hai Musalman ki sifat paida kar
Kushti-e deen ko yeh nuskha hi bacha sakta hai
اپنے کردار کو اسلاف کا آئینہ بنا
انقلاب آج بھی تو دہر میں لا سکتا ہے
Apne kirdar ko aslaf ka aaina bana
Inqilab aaj bhi tu dehr mein la sakta hai
تیرے ایماں کے دیے کی جو ہوئی لو مدھم
ایک جھونکا بھی اسے پل میں بجھا سکتا ہے
Tere imaan ke diye ki jo hui lo madhdham
Ek jhonka bhi usay pal mein bujha sakta hai
تو فقط اسوۂ سرکار کا پیرو بن جا
پھر زمانہ تجھے پلکوں پہ بٹھا سکتا ہے
Tu faqat uswa-e Sarkar ka pero ban ja
Phir zamana tujhe palkon pe bitha sakta hai
درس آقاؐ نے دیا فاتحِ قالب بن کر
سنگ کو خُلق ترا موم بنا سکتا ہے
Dars aqa ﷺ ne diya fatah-e qalib ban kar
Sang ko khulq tera mom bana sakta hai
کیوں نہ یکجا کروں میں دولتِ نعتِ سرور
کام سرمایہ یہی حشر میں آسکتا ہے
Kyun na yakja karun mein daulat-e naat-e Sarwar
Kaam sarmaya yahi hashr mein aa sakta hai
دیدِ طیبہ کا اگر تجھ میں ہے عزمِ صادق
راہِ مشکل کو یہ آسان بنا سکتا ہے
Deed-e Taiba ka agar tujh mein hai azm-e sadiq
Rah-e mushkil ko yeh aasaan bana sakta hai
اذنِ سرکار جو ہو جائے تو شہرِ طیبہ
احسؔنِ مفلس و نادر بھی جا سکتا ہے
Izn-e Sarkar jo ho jaye to shehr-e Taiba
AhsaN-e muflis o Nadir bhi ja sakta hai
Share This Naat
Share with friends and family
حُبِ سرکار میں جو خود کو مٹا سکتا ہے
احسن اعظمی