میرے سوہنے سخی لج پال داتا
کدی پچھ لے میرا وی حال داتا
Mere sohnay sakhi laj paal data
Kadi puchh le mera vi hal data
رہوے وسدا سخی دربار تیرا
میں منگتے نوں نہ دیویں ٹال داتا
Rahway wasda sakhi darbar tera
Mein mangtay noon na dawain taal data
تیری من دا اے تیرا کملی والا
میرے سر توں بلاواں ٹال داتا
Teri man da ay tera kamli wala
Mere sir toon balawan taal data
بھرے بھنڈار رکھیں منگیاں دے
تیرے منگتے رہن خوشحال داتا
Bharay bhandar rakhein mangiyaan de
Tere mangtay rahain khushhal data
تیرے در توں کوئی خالی نہیں مڑیا
میری آساں دے دیوے بال داتا
Tere dar toon koi khaali nahi muria
Meri aasan de diway bal data
اوہناں دے روگ مک جاندے نیں سارے
توں ہندا ایں جنہاں دے نال داتا
Ohnan de rog muk janday nay saaray
Tuun hunda ain jinaan de nal data
تیری نظر کرم کافی اے مینوں
میں کیہ کرنا ایں جگ دا مال داتا
Teri nazar karam kaafi ay mainu
Main keeh karna ain jag da maal data
مراداں نال بھر دے میرا دامن
تیرے گھر وچ نہیں کوئی کال داتا
Muradan nal bhar de mera daaman
Tere ghar wich nahi koi kaal data
کرم ایناں نیازی تے وی کر دے
مدینے جاواں میں ہر سال داتا
Karam einan Niazi te vi kar de
Madinay jawaan main har saal data
Share This Naat
Share with friends and family
میرے سوہنے سخی لج پال داتا
عبدالستار نیازی