دم میں دم تھا پر مری بے دم سی کیفیت رہی
سامنے جب تک وہ میرے چاند کی صورت رہی
Dam mein dam tha par meri bedam si kefiyat rahi
Samnay jab tak woh meray chand ki surat rahi
رقص کرتی ہی رہیں میرے چمن پر بجلیاں
وہ تو یوں کہئے کہ مجھ پر یار کی رحمت رہی
Raqs karti hi rahen mere chaman par bijliyan
Woh to yun kahiye ke mujh par yar ki rehmat rahi
رحمت عالم کی رحمت کا نظارا دیکھ کر
باہیں کھولے عاصیوں کی منتظر جنت رہی
Rehmat e Alam ki rehmat ka nazara dekh kar
Bahein kholay aasion ki muntazir jannat rahi
تاجداروں نے بھی چوما اس کے تلووں کا غبار
جس کے دامن میں نبی کے عشق کی دولت رہی
Tajdaron ne bhi chuma uske talwon ka ghubar
Jis ke daman mein Nabi ke ishq ki daulat rahi
مانگنے والوں کو دینا ان کی حاجت سے سوا
سرورکون و مکاں کی بس یہی عادت رہی
Mangne walon ko dena un ki hajaat se siwa
Sarwar e kon o makaan ki bas yahi aadat rahi
تھی عبادت بھی بڑی شے پر وہی بخشا گیا
جس کے دل میں سید کونین کی الفت رہی
Thi ibadat bhi bari shay par wohi bakhsha gaya
Jis ke dil mein Syed e konain ki ulfat rahi
کاش میں بھی دیکھتا طیبہ کے گلشن کی بہار
کروٹیں لیتی میرے دل میں یہی حسرت رہی
Kaash mein bhi dekhta Tayyaba ke gulshan ki bahar
Karwaten leti meray dil mein yahi hasrat rahi
اپنی اپنی سوچ میں ڈوبے رہے اہل قلم
میرے حصے میں نیازی یار کی مدحت رہی
Apni apni soch mein doobay rahe ahli qalam
Mere hisse mein Niazi yar ki madhat rahi
Share This Naat
Share with friends and family
دم میں دم تھا پر مری بے دم سی کیفیت رہی
عبدالستار نیازی