مرے آقا مجھے آتش میں اب گرنے نہیں دیں گے
چھپا لیں گے وہ کملی میں مجھے جلنے نہیں دیں گے
Mere aaqa mujhe aatish mein ab girne nahi dein ge
Chhupa lenge woh kamli mein mujhe jalne nahi dein ge
تمنا ہے شہادت کی جو پوری ہو بھی جائے گی
مجھے بے موت رستوں پر کبھی مرنے نہیں دیں گے
Tamanna hai shahadat ki jo poori ho bhi jaye gi
Mujhe be maut raaston par kabhi marne nahi dein ge
گھٹائیں جم کے برسیں گی مری کٹیا پہ رحمت کی
وہ غم خوارِ امم بھی ہیں مجھے سڑنے نہیں دیں گے
Ghataen jam ke barsein gi meri kutiya pe rehmat ki
Woh gham khwar-e-umm bhi hain mujhe sarne nahi dein ge
لحد کا ڈر اسے ہوگا شفاعت کا جو منکر ہے
میں خادم ہوں محمد کا مجھے ڈرنے نہیں دیں گے
Lahd ka darr usay hoga shafa'at ka jo munkir hai
Main khadim hoon Muhammad ka mujhe darrne nahi dein ge
میں احمد کے نواسوں کا جو نوکر فضلِ رب سے ہوں
مجھے سانپوں کے نرغے میں کبھی گھرنے نہیں دیں گے
Main Ahmed ke nawaason ka jo naukar fazl-e-Rab se hoon
Mujhe saanpon ke narghay mein kabhi gharne nahi dein ge
مقابل ہو مٹانے پر زمانہ بھی اگر سارا
مرے مولا علی ایسا عمل کرنے نہیں دیں گے
Muqabil ho mitane par zamana bhi agar saara
Mere Maula Ali aisa amal karne nahi dein ge
میں قائم اُن کا بیٹا ہوں جو سردارِ ارم ہوں گے
وہ جنت سے کہیں پہلے مجھے رکنے نہیں دیں گے
Main qa'im un ka beta hoon jo sardar-e-Aram honge
Woh jannat se kahin pehle mujhe rukne nahi dein ge
Share This Naat
Share with friends and family
مرے آقا مجھے آتش میں اب گرنے نہیں دیں گے
سید حب دار قائم