Manqabat
مِرا جہاں میں ظُہور و خِفا مُعینی ہے
مِرا جہاں میں ظُہور و خِفا مُعینی ہے
میں وہ ہُوں جس کی فنا و بقا مُعینی ہے
Mira jahan mein zuhoor o khifa mu’ini hai
Mein woh hoon jis ki fana o baqa mu’ini hai
ہم اہلِ چشت ہیں خواجہؒ کے چاہنے والے
ہمارے شہر کی آب و ہَوا مُعینی ہے
Hum Ahl e Chisht hain Khwajaؒ ke chahne wale
Hamare sheher ki aab o hawa mu’ini hai
کُھلا ہُوا ہے درِ غوثِ پاکؒ و خواجہ مُعینؒ
یہ قادری تو وہ دارُالشِّفا مُعینی ہے
Khula hua hai dar e Ghaus e Pakؒ o Khwaja Mu’inؒ
Ye qadri to woh dar al shifa mu’ini hai
وِلائے خواجہؒ سے سرشار ہیں تمام ولی
خدا گواہ کہ ہر با خدا مُعینی ہے
Wilaye Khwajaؒ se sarshaar hain tamam wali
Khuda gawah ke har ba khuda mu’ini hai
جِلو میں اپنے ہجوم ِ تجلّیات لیے
یہ کوئی قادری بیٹھا ہے ، یا مُعینی ہے
Julo mein apne hujoom e tajalliyat liye
Ye koi qadri baitha hai, ya mu’ini hai
گدائے خواجہء اجمیرؒ ہوں بحمدِ اللہ
مِری حیات کا رنگِ غِنا مُعینی ہے
Gadaaye Khwaja e Ajmerؒ hoon ba hamd e Allah
Miri hayaat ka rang e ghina mu’ini hai
مِرے طریق سے خارج ہے مصلحت کوشی
فقیر قول و عمل میں کھُلا مُعینی ہے
Mire tareeq se kharij hai maslihat koshi
Faqeer qoul o amal mein khula mu’ini hai
مثالِ آئنہ شفّاف ہے مِری فطرت
خدا کا شکر کہ جوہر مِرا مُعینی ہے
Misaal e aaina shaffaaf hai meri fitrat
Khuda ka shukar ke johar mera mu’ini hai
مِری سرشت میں شامل ہے خوئے بُت شکنی
مِرا مزاج بہ فضلِ خدا مُعینی ہے
Miri sarisht mein shaamil hai khoy e but shakani
Mira mizaj ba fazl e Khuda mu’ini hai
مُعینیوں کا تو شیوہ ہے قُربتوں کا فروغ
جو دُوریا ں نہ مٹا دے وہ کیا مُعینی ہے
Mu’iniyon ka to shewa hai qurbaton ka farogh
Jo doorian na mita de woh kya mu’ini hai
یہ ناقدانہ تخاطُب بجا ، مگر حضرت !
رہے خیال کہ بندہ ذرا مُعینی ہے
Ye naqadana takhatub baja, magar hazrat!
Rahe khayal ke banda zara mu’ini hai
وہ جس نے پھول کھِلائے ہیں لفظ و معنیٰ کے
وہ ایک شاعرِ رنگیں نوا مُعینی ہے
Woh jis ne phool khilaye hain lafz o ma’ni ke
Woh aik shair e rangeen nawa mu’ini hai
نصیرِ دینِ متیں خود کو کر دیا ثابت
نصیرؔ! تُو تو بڑے کام کا مُعینی ہے
Naseer e deen e mateen khud ko kar diya saabit
Naseerؔ! Tu to bade kaam ka mu’ini hai
Share This Naat
Share with friends and family
مِرا جہاں میں ظُہور و خِفا مُعینی ہے
سید نصیرالدیں نصیر