محبوب خُدا نوں دو جگ دا سلطان ناں آکھاں تے کی آکھاں
سب نبیاں توں سرکار نوں میں ذیشان ناں آکھاں تے کی آکھاں
Mahboob Khuda noo do jag da sultan naa aakha te ki aakha
Sab nabiyan toon sarkar noo main zeshan naa aakha te ki aakha
رب آکھے جو میں کہندا ہاں محبوب مرا اوہ کہندا اے
فر دسو اس دی ہر گل نوں قرآن ناں آکھاں تے کی آکھاں
Rab aakhe jo main kehnda haan mahboob mera oh kehnda ae
Phir daso us di har gal noo Quran naa aakha te ki aakha
جتھے جنت سجدے کر دی اے جتھے کعبہ سیس جھکاندا اے
اُس روضہ پاک دی عرشاں توں ودھ شان ناں آکھاں تے کی آکھاں
Jithe jannat sajde kar di ae jithe ka'aba sees jhukaanda ae
Us rozah pak di arshan toon wadh shan naa aakha te ki aakha
جد رب آکھے محبوب لئی میں پیدا کیتا اے خلقت نوں
فر یار نُوں میں دو عالم دی جند جان ناں آکھاں نے کی آکھاں
Jad rab aakhe mahboob laee main paida kita ae khalqat noo
Phir yaar noo main do aalam di jind jaan naa aakha ne ki aakha
رب جہدیاں پاک اداواں دی خُود دتی آپ گواہی اے
اوہدی شان دے منکر دا ناقص ایمان ناں آکھاں تے کی آکھاں
Rab jehdiyan pak adawan di khud diti aap gawai ae
Ohdi shan de munkar da naqis imaan naa aakha te ki aakha
جد نعت میں کہندا ہاں صائم چھا جاندا کیف طبیعت تے
میں اس نوں اپنی بخشش دا سامان ناں آکھاں تے کی آکھاں
Jad naat main kehnda haan Sa'im chha janda kaif tabiyat te
Main us noo apni bakhshish da samaan naa aakha te ki aakha
Share This Naat
Share with friends and family
محبوب خُدا نوں دو جگ دا سلطان ناں آکھاں تے کی آکھاں
علامہ صائم چشتی