مظہرِ شان و شکوہِ مصطفیٰؐ مولیٰ علی
ضیغمِ حق ، بو تراب ، و مر تضیٰ مولیٰ علی
Mazhar-e-shaan o shikwah-e-Mustafaؐ Maula Ali
Zighm-e-Haq, Bo Turab, o Murtaza Maula Ali
اک علامت عزم و استقلال کی ہر دور میں
ایک رعنا پیکرِ فقر و غنا مولیٰ علی
Ek alamat azm o istiqal ki har daur mein
Ek rana paikar-e-faqr o ghina Maula Ali
آسمانِ اتقا وہ نیّرِ برجِ ولا
قائدِ ایوانِ تسلیم و رضا مولیٰ علی
Aasman-e-itqa woh neyyar-e-burj-e-wala
Qaid-e-ewaan-e-tasleem o raza Maula Ali
منزلت ہے آپ کی مَن کُنت مولیٰ سے عیاں
ہیں بجا ہارونِ خیر الانبیاؐ مولیٰ علی
Manzilat hai aap ki man kunt maula se ayaan
Hain baja Haroon-e-khair ul anbiyaؐ Maula Ali
لافتیٰ الّا علی ہے جن کا اعزاز و شرف
وہ جری وہ مردِ میدانِ وفا مولیٰ علی
Lafata illa Ali hai jin ka aizaaz o sharaf
Woh jari woh mard-e-maidan-e-wafa Maula Ali
آپ کا ہر فیصلہ عہد آفرین و عہد گر
ماہِ حکمت برسر، چرخِ صفا مولیٰ علی
Aap ka har faisla ahd aafreen o ahd gar
Maah-e-hikmat barsar, charkh-e-safa Maula Ali
دلکش و معجز نما ہیں ان کے خطبات و خطوط
دورِ نازک میں تدبّر کی صدا مولیٰ علی
Dilkash o mojiz numa hain un ke khutbat o khutoos
Daur-e-nazuk mein tadabbur ki sada Maula Ali
کب جہاں نے دیکھا ان سا شارحِ ام الکتاب
شانِ منبر، وہ خطیبِ خوشنوا مولیٰ علی
Kab jahan ne dekha un sa sharah-e-umm ul kitab
Shaan-e-minbar, woh khateeb-e-khosh nawa Maula Ali
قابلِ تقلید کردار ان کا صلح و جنگ میں
گویا ہر میدان میں ٹھہرے رہنما مولیٰ علی
Qabil-e-taqleed kirdar un ka sulh o jang mein
Goya har maidan mein thehre rehnuma Maula Ali
Share This Naat
Share with friends and family
مظہرِ شان و شکوہِ مصطفیٰؐ مولیٰ علی
حفیظ تائب