خوشبو ہے دو عالم میں تری اے گلِ چیدہ
کس منہ سے بیاں ہوں ترے اوصافِ حمیدہ
Khushbu hai do aalam mein teri ae gul-e-cheeda
Kis munh se bayan hoon tere osaf-e-hameeda
سیرت ہے تری جو ہر آئینہ تہذیب
روشن ترے جلووں سے جہانِ دل و دیدہ
Seerat hai teri jo har aaina tehzeeb
Roshan tere jolwon se jahan-e-dil o deeda
تو روحِ زمن، رنگِ چمن، ابرِ بہاراں
تو حسنِ سخن، شانِ ادب، جانِ قصیدہ
Tu ruh-e-zaman, rang-e-chaman, abr-e-baharan
Tu husn-e-sukhan, shaan-e-adab, jaan-e-qaseeda
تجھ سا کوئی آیا ہے نہ آئے گا جہاں میں
دیتا ہے گواہی یہی عالم کا جریدہ
Tujh sa koi aaya hai na aaye ga jahan mein
Deta hai gawahi yahi aalam ka jareeda
مضمر تری تقلید میں عالم کی بھلائی
میرا یہی ایماں ہے ، یہی میرا عقیدہ
Mazmir teri taqleed mein aalam ki bhalai
Mera yahi imaan hai, yahi mera aqeeda
اے ہادئ بر حق تری ہر بات ہے سچّی
دیدہ سے بھی بڑھ کر ہے ترے لب سے شنیدہ
Ae haadi-e-barhaq teri har baat hai sachchi
Deeda se bhi barh kar hai tere lab se shaneeda
اے رحمتِ عالم تری یادوں کی بدولت
کس درجہ سکوں میں ہے مرا قلبِ تپیدہ
Ae rehmat-e-aalam teri yaadon ki badolat
Kis darja sukoon mein hai mera qalb-e-tapeeda
ہے طالبِ الطاف مرا حالِ پریشاں
محتاجِ عنایت ہے مرا رنگِ پریدہ
Hai talib-e-altaaf mera haal-e-pareshaan
Mohtaaj-e-inayat hai mera rang-e-pareeda
خیرات مجھے اپنی محبّت کی عطا کر
آیا ہوں ترے در پہ بہ دامانِ دریدہ
Khairaat mujhe apni mohabbat ki ata kar
Aaya hoon tere dar pe ba daaman-e-dareeda
یوں دُور ہوں تائبؔ میں حریمِ نبوی سے
صحرا میں ہو جس طرح کوئی شاخِ بریدہ
Yun door hoon Taib mein hareem-e-nabvi se
Sehra mein ho jis tarah koi shaakh-e-bareeda
Share This Naat
Share with friends and family
خوشبو ہے دو عالم میں تری اے گلِ چیدہ
حفیظ تائب