Manqabat
مُژدہء تسکین فَزا گنجِ شکرؒ کا عرس ہے
مُژدہء تسکین فَزا گنجِ شکرؒ کا عرس ہے
غمزدوں کا آسرا گنجِ شکرؒ کا عرس ہے
Mujdah-e-taskeen fza ganj-e-shakrؒ ka urs hai
Ghamzadoon ka aasra ganj-e-shakrؒ ka urs hai
زُہد میں کیا دھوم ہے گنجِ شکرؒ کی چار سُو
محفلِ ہستی میں کیا گنجِ شکرؒ کا عرس ہے
Zuhd mein kya dhoom hai ganj-e-shakrؒ ki chaar soo
Mehfil-e-hasti mein kya ganj-e-shakrؒ ka urs hai
جس کو ہوشوقِ لِقا آتا ہے وہ آخر یہیں
اِس تڑپ کی انتہا گنجِ شکرؒ کا عرس ہے
Jis ko ho shouq-e-liqa aata hai woh aakhir yahin
Is tarap ki inteha ganj-e-shakrؒ ka urs hai
اک بہشتِ امن ہے دروازہء بابا فریدؒ
باعثِ دفعِ بلا گنجِ شکرؒ کا عرس ہے
Ek behtisht-e-aman hai darwaza-e-Baba Faridؒ
Ba-is-e-dafa-e-bala ganj-e-shakrؒ ka urs hai
عُمر بھر جس نے ملایا عبد کو معبود سے
آج اُس مردِ خدا گنجِ شکرؒ کا عرس ہے
Umr bhar jis ne milaya Abd ko Ma-bood se
Aaj us mard-e-khuda ganj-e-shakrؒ ka urs hai
لوگ آتے ہیں یہاں حق سے تعلّق جوڑنے
درسِ پیمانِ وفا گنجِ شکرؒ کا عرس ہے
Log aate hain yahan haq se ta'alluq jorhne
Dars-e-paeman-e-wafa ganj-e-shakrؒ ka urs hai
پاؤں دھرنے کو جگہ ملتی نہیں ہے شہر میں
بھیڑ یہ کیسی ہے، کیا گنجِ شکرؒ کا عرس ہے
Paanw dharne ko jagah milti nahin hai shehar mein
Bheer yeh kaisi hai, kya ganj-e-shakrؒ ka urs hai
یا تو پھر بغداد میں ہے بارگاہِ دستگیرؒ
اہلِ دل کی عید یا گنجِ شکرؒ کا عرس ہے
Ya to phir Baghdad mein hai bargah-e-Dastageerؒ
Ahl-e-dil ki eid ya ganj-e-shakrؒ ka urs hai
کھینچتا تھا مجھ کو رضواں خُلد کی جانب نصیؔر
وہ تو میں نے کہہ دیا گنجِ شکرؒ کا عرس ہے
Kheenchta tha mujh ko Rizwan khuld ki jaanib Nasir
Woh to meine keh diya ganj-e-shakrؒ ka urs hai
Share This Naat
Share with friends and family
مُژدہء تسکین فَزا گنجِ شکرؒ کا عرس ہے
سید نصیرالدیں نصیر