مسیحا وہ سب سے جدا بن کے آئے
کہ مُردہ دلوں کی جِلا بن کے آئے
Masihah woh sab se juda ban ke aaye
ke murda dillon ki jila ban ke aaye
مجھے نعت نو شہ کی لکھنی ہے کہہ دو
کہ اب بانوئے فن ذرا بن کے آئے
Mujhe naat no sha ki likhni hai keh do
ke ab bano'ye fun zara ban ke aaye
سبھی لوگ بنتے ہیں آنے کے ما بعد
مگر آپ سب کچھ شہا ! بن کے آئے
Sabhi log bante hain aane ke ma baad
magar aap sab kuch shaha! ban ke aaye
نبی بن کے آئے تھے پہلے بھی آقا !
مگر آپ سب سے جدا بن کے آئے
Nabi ban ke aaye the pehle bhi aaqa!
Magar aap sab se juda ban ke aaye
کیے گُل ادا تم نے جو خار خُو تھے
وہ باغات کے آئے یا " بَن " کے آئے
Kiye gul ada tum ne jo khar khu the
Woh baghat ke aaye ya "ban" ke aaye
تمہارے ہی پیرو ہیں مُنعَم عَلَیھم
ہدایت کا تم راستہ بن کے آئے
Tumhare hi pero hain munam alaihm
Hidayat ka tum rasta ban ke aaye
کِیا اپنے بلبل کو ہے یاد گُل نے
کبھی تو پیامی صبا بن کے آئے
Kiya apne bulbul ko hai yaad gul ne
Kabhi to payami saba ban ke aaye
وہی عکسِ وحدت ہیں کثرت میں شامل
وہ اِمکاں میں واجب نُما بن کے آئے
Wohi aks-e-wahdat hain kasrat mein shamil
Woh imkan mein wajib numa ban ke aaye
بتائے تُمہیں نے حقوقِ خواتین
دُکھی کا تمہیں آسرا بن کے آئے
Bataye tumhein ne huqooq-e-khawateen
Dukhi ka tumhein aasra ban ke aaye
تُمہیں بُو الیتامٰی ،تمہیں بُو الاَرامل
تمہیں بُو المساکیں شہا ! بن کے آئے
Tumhein bo alyatama, tumhein bo alaramal
Tumhein bo almasakeen shaha! ban ke aaye
امامِ رُسُل کا ہے در وہ جہاں سے
ہر اک مُقتدی مُقتدا بن کے آئے
Imam-e-rusul ka hai dar woh jahan se
Har ek muqtadi muqtada ban ke aaye
جسے پیشِ روضہ طلب دید کی ہو
تڑپ میں وہ احمد رضا بن کے آئے
Jise paish-e-rouza talab deed ki ho
Tadap mein woh Ahmed Raza ban ke aaye
نہ کیونکر بہ فیض ثنائے شہِ عرش
زمینِ معظؔم سَما بن کے آئے
Na kyun kar ba faiz sanaye shahi arsh
Zameen-e-muazzam sama ban ke aaye
عَطِیّہ تھے سارے نبی اے مُعَظمؔ !
ہَدِیّہ مگر مصطفیٰ بن کے آئے
Atiyya the saare nabi ae Mu'azzam!
Hadiyah magar Mustafa ban ke aaye
Share This Naat
Share with friends and family
مسیحا وہ سب سے جدا بن کے آئے
معظم سدا معظم مدنی