مرنا نہیں آتا اسے جینا نہیں آتا
جس شخص کے سینے میں مدینہ نہیں آتا
Marna nahi aata use jeena nahi aata
Jis shakhs ke seene mein Madina nahi aata
اللہ کی رحمت بھی نہیں جوش پہ آتی
جب تک کہ ندامت کا پسینہ نہیں آتا
Allah ki rehmat bhi nahi josh pe aati
Jab tak ke nadamat ka paseena nahi aata
لگتا ہے کچھ ایسے تیری چاہت میں کمی ہے
لب پر ترے گر ذکر مدینہ نہیں آتا
Lagta hai kuch aise teri chahat mein kami hai
Lab par tere gar zikr Madina nahi aata
گر مجھ کو پلانا ہے پلا اپنی نظر سے
ساقی مجھے پیمانے سے پینا نہیں آتا
Gar mujh ko pilana hai pila apni nazar se
Saqi mujhe paimane se peena nahi aata
عشق شہ کونین کی دولت ہے نرالی
ہر شخص کے ہاتھوں یہ خزینہ نہیں آتا
Ishq Shah Konain ki daulat hai nirali
Har shakhs ke haathon ye khazeena nahi aata
محبوب خدا کے جو حوالے نہ کیا جائے
ہرگز وہ کنارے پہ سفینہ نہیں آتا
Mahboob Khuda ke jo hawale na kiya jaye
Hargiz wo kinare pe safeena nahi aata
کیا مانگوں حضور آپ سے کس طرح میں مانگوں
اظہار تمنا کا قرینہ نہیں آتا
Kya maangoon Huzoor aap se kis tarah mein maangoon
Izhaar tamanna ka qareena nahi aata
محبوب خدا کا جو ہو دیوانہ نیازی
اُس شخص کے دل میں کبھی کینہ نہیں آتا
Mahboob Khuda ka jo ho deewana Niazi
Us shakhs ke dil mein kabhi keena nahi aata
Share This Naat
Share with friends and family
مرنا نہیں آتا اسے جینا نہیں آتا
عبدالستار نیازی