مرکزِ عدل و محبت آپ ہیں
ہر زمانے کی ضرورت آپ ہیں
Markaz-e-adl o mohabbat aap hain
Har zamane ki zarurat aap hain
بعد از حمد و ثنائے ذوالجلال
لائقِ کُل مدح و مِدحت آپ ہیں
Ba'ad az hamd o sana-e-zuljalal
Laiq-e-kul madah o midhat aap hain
یہ جہاں قدرت کا ہے اک آئنہ
آئنے کا حُسنِ صورت آپ ہیں
Yeh jahan qudrat ka hai ik aaina
Aaine ka husn-e-surat aap hain
وقت کے لب پر قصیدہ آپ کا
حرفِ کُن کی مقصدیّت آپ ہیں
Waqt ke lab par qasida aap ka
Harf-e-kun ki maqsadiyat aap hain
آپ محرابِ ازل میں جلوہ گر
صاحبِ ختمِ نبوت آپ ہیں
Aap mehrab-e-azal mein jalwa gar
Sahib-e-khatm-e-nubuwwat aap hain
جو چلی تھی حضرت ابراہیمؑ سے
دینِ حق کی وہ روایت آپ ہیں
Jo chali thi Hazrat Ibrahim(a.s) se
Deen-e-haq ki woh riwayat aap hain
آئے دُنیا میں ہزاروں انبیا
لائے جو حتمی شریعت آپ ہیں
Aaye duniya mein hazaron anbiyya
Laaye jo hatmi shariat aap hain
سب مظاہر مجلسی ہیں آپ کے
صدرِ ایوانِ حقیقت آپ ہیں
Sab mazahir majlisi hain aap ke
Sadr-e-eiwān-e-haqiqat aap hain
آپ ہیں اللہ کے عینی گواہ
اعتبارِ آدمیّت آپ ہیں
Aap hain Allah ke aini gawaah
Aitibar-e-adamiyat aap hain
آپ نے توڑی حدودِ لامکاں
ہم رکابِ ہر مسافت آپ ہیں
Aap ne tori hudood-e-la-makaan
Hum rakab-e-har masafat aap hain
آپ پر نازل ہُوا قرآنِ پاک
یعنی اُس کی آیت آیت آپ ہیں
Aap par nazil huwa Quran-e-pak
Yani us ki aayat aayat aap hain
ہر نبی کی خوبیاں ہیں آپ میں
انتہائے جامعیّت آپ ہیں
Har nabi ki khoobiyan hain aap mein
Intaha-e-jamiat aap hain
ہمہ داں ہے اُمیّت بھی آپ کی
وارثِ عقل و فراست آپ ہیں
Hama dan hai ummiyet bhi aap ki
Waris-e-aqal o firasat aap hain
گمرہی کے عالمی صحراؤں میں
چشمۂ رشد و ہدایت آپ ہیں
Gumrahi ke aalmi sehraon mein
Chashma-e-rushd o hidayat aap hain
ایک پل بھی عمر کا اوجھل نہیں
معتبر تاریخِ سیرت آپ ہیں
Ek pal bhi umr ka oojhal nahi
Mu'tabar tareekh-e-seerat aap hain
پورے دن کی روشنی جیسا وجود
آفتابِ وحی و دعوت آپ ہیں
Poore din ki roshni jaisa wujood
Aftaab-e-wahi o dawat aap hain
آپ کا ہر حرف‘ حرفِ ایزدی
راست گفتاری کی حُرمت آپ ہیں
Aap ka har harf, harf-e-izdi
Rast guftari ki hurmat aap hain
آپ کا ہر اک عمل حُسنِ حیات
شاہکارِ کاملیّت آپ ہیں
Aap ka har ik amal husn-e-hayat
Shahkar-e-kamiliyat aap hain
آپ پر لوگوں کے باطن منکشف
مصلحِ تخیل و خلوت آپ ہیں
Aap par logon ke batin mankashaf
Musleh-e-takhayyul o khalwat aap hain
سایۂ عالم یتیمی آپ کی
خازنِ ہر بے بضاعت آپ ہیں
Saya-e-aalam yetimi aap ki
Khazin-e-har be baza'at aap hain
فخر کے معنی فقیری آپ کی
یعنی دِل والوں کی دولت آپ ہیں
Fakhr ke ma'ni faqiri aap ki
Yani dil walon ki daulat aap hain
آپ کے پَیرو شعور و لاشعور
پیشوائے عِلم و حکمت آپ ہیں
Aap ke pairo shaoor o la-shaoor
Peshwa-e-ilm o hikmat aap hain
حق تعالیٰ تک پہنچنے کے لیے
بے وسیلوں کی وساطت آپ ہیں
Haq ta'ala tak pahunchne ke liye
Be wasilon ki wasatat aap hain
دے حریفِ جاں شہادت آپ کی
والیِ صدق و صداقت آپ ہیں
De hareef-e-jaan shahadat aap ki
Wali-e-sidq o sadaqat aap hain
دوستوں کے واسطے کیا ہوں گے آپ
دشمنوں کے حق میں رحمت آپ ہیں
Doston ke wastay kya honge aap
Dushmanon ke haq mein rehmat aap hain
ظالموں کے سامنے حق بات کی
سارے مظلوموں کی طاقت آپ ہیں
Zalimoo ke samne haq baat ki
Saare mazlumon ki taqat aap hain
آپ کے قدموں کی مٹّی کی قَسم
آسمانِ استقامت آپ ہیں
Aap ke qadmon ki mitti ki qasam
Aasmaan-e-istiqamat aap hain
وقفِ دِیں ہے لمحہ لمحہ آپ کا
پھر بھی مصروفِ سیاست آپ ہیں
Waqf-e-deen hai lamha lamha aap ka
Phir bhi masroof-e-siyasat aap hain
جُود و استغنا، توکّل، مسکنت
ساری قدروں کی ضمانت آپ ہیں
Jood o istaghna, tawakkul, maskanat
Saari qadron ki zamaanat aap hain
عزم و استقلال کی ایثار کی
کس قدر روشن علامت آپ ہیں
Azm o istiqlaal ki isar ki
Kis qadar roshan alamat aap hain
آپ کی تنہائی بھی اِک طائفہ
کتنی کثرت خیز وحدت آپ ہیں
Aap ki tanhai bhi ik ta'ifa
Kitni kasrat khaiz wahdat aap hain
اے خطیبِ منبرِ کوہِ صفا
جانِ تقریر و خطابت آپ ہیں
Aye khatib-e-minbar-e-koh-e-safa
Jaan-e-taqreer o khitabat aap hain
آرزوؤں کا لقب بے نفسیاں
عجزِ اِنسانی کی رفعت آپ ہیں
Arzoo'on ka laqab be nafsiyan
Aijz-e-insani ki rif'at aap hain
آپ کی فاقہ کشی پر سنگ دنگ
پیکرِ صبر و قناعت آپ ہیں
Aap ki faaqa kushi par sang dang
Paikar-e-sabr o qana'at aap hain
دِل نہیں توڑا کِسی دُکھ درد کا
سرپرستِ ہجر و ہجرت آپ ہیں
Dil nahi toda kisi dukh dard ka
Sarparast-e-hijr o hijrat aap hain
مجرموں کو جو سزائے رحم دے
ایسا قانون و عدالت آپ ہیں
Mujrimon ko jo saza-e-reham de
Aisa qanoon o adalat aap hain
سلطنت آرائی کی تصویر میں
رنگِ مزدوری و محنت آپ ہیں
Saltanat aarai ki tasweer mein
Rang-e-mazdoori o mehnat aap hain
ہر قدم کفّار سے جنگ آزما
ہر نَفَس محوِ عبادت آپ ہیں
Har qadam kuffar se jang aazma
Har nafas mAho-e-ibadat aap hain
اہل خانہ بھی ہیں اور احباب بھی
غار کی بھی زیب و زینت آپ ہیں
Ahl-e-khana bhi hain aur ahbab bhi
Ghaar ki bhi zeb o zeenat aap hain
چلتے پھرتے اور سوتے جاگتے
مستجابِ ربّ العزّت آپ ہیں
Chalte phirte aur sote jaagte
Mustajaab-e-Rabb al Izzat aap hain
جسم اطہر پر چٹائی کے نشاں
اور سُلطانِ ریاست آپ ہیں
Jism-e-athar par chatai ke nishaan
Aur Sultan-e-Riyasat aap hain
آپ کا ایک ایک لمحہ دائمی
ایک عالم گیر قوّت آپ ہیں
Aap ka aik aik lamha daimi
Ek aalamgir quwat aap hain
فاتحِ دِل فاتحِ ذہن و ضمیر
عِشق کا دارالحکومت آپ ہیں
Fateh-e-dil, fateh-e-zehan o zameer
Ishq ka dar al hukoomat aap hain
جو ہمارے پاس رکھوائی گئی
کبریا کی وہ امانت آپ ہیں
Jo humare paas rakhwai gayi
Kabriya ki woh amanat aap hain
ڈھونڈتی رہتی ہیں آنکھیں آپ کو
میرا موضوعِ زیارت آپ ہیں
Dhoondti rehti hain aankhen aap ko
Mera mauzo-e-zeyarat aap hain
آپ کا مَیں معتقد جاسوس ہُوں
میرے جذبوں کی حرارت آپ ہیں
Aap ka main Mu’taqid jasoos hoon
Mere jazbon ki hararat aap hain
ذہن میرا آپ سے ہٹتا نہیں
میری دُنیا میری جنّت آپ ہیں
Zehn mera aap se hutta nahi
Meri duniya meri jannat aap hain
مر مِٹوں میں آپ کے ناموس پر
مری عزّت میری عظمت آپ ہیں
Mar mitoon main aap ke namoos par
Meri izzat meri azmat aap hain
آپ ہی کا آسرا بعدِ فنا
شافعِ روزِ قیامت آپ ہیں
Aap hi ka aasra ba’ad-e-fana
Shaafi-e-roz-e-qayamat aap hain
کیا ڈروں بے وزنی ِاعمال سے
یا مُحمدؐ جب سلامت آپ ہیں
Kya daroon be wAzni-e-aamal se
Ya Muhammad (S.A.W) jab salamat aap hain
Share This Naat
Share with friends and family
مرکزِ عدل و محبت آپ ہیں
مظفر وارثی