مرحبا عزت و کمالِ حضور
ہے جلالِ خدا جلالِ حضور
Marhaba izzat o kamal-e-Huzoor
Hai jalal-e-khuda jalal-e-Huzoor
ان کے قدموں کی یاد میں مریئے
کیجیے دل کو پائمالِ حضور
Un ke qadmon ki yaad mein mariye
Kijiye dil ko paimal-e-Huzoor
دشتِ اَیمن ہے سینۂ مومن
دل میں ہے جلوۂ خیالِ حضور
Dasht-e-Aiman hai seenah-e-momin
Dil mein hai jalwah-e-khayaal-e-Huzoor
آفرنیش کو ناز ہے جس پر
ہے وہ اَندازِ بے مثال حضور
Afarinesh ko naaz hai jis par
Hai woh andaaz-e-bemisal-e-Huzoor
ماہ کی جان مہر کا ایماں
جلوۂ حسن بے زوالِ حضور
Mah ki jaan mehr ka imaan
Jalwah-e-husn bezawal-e-Huzoor
حسن یوسف کرے زلیخائی
خواب میں دیکھ کر جمالِ حضور
Husn Yusuf kare Zulaykhai
Khawab mein dekh kar jamal-e-Huzoor
وقف اِنجاحِ مقصد خدام
ہر شب و روز و ماہ و سالِ حضور
Waqf-injaah-e-maqsad khuddam
Har shab o roz o mah o saal-e-Huzoor
سکہ رائج ہے حکم جاری ہے
دونوں عالم ہیں ملک و مالِ حضور
Sikka raij hai hukm jari hai
Dono aalam hain mulk o mal-e-Huzoor
تابِ دیدار ہو کسے جو نہ ہو
پردۂ غیب میں جمالِ حضور
Taab-e-deedaar ho kise jo na ho
Pardah-e-ghaib mein jamal-e-Huzoor
جو نہ آئی نظر نہ آئے نظر
ہر نظر میں ہے وہ مثالِ حضور
Jo na aayi nazar na aaye nazar
Har nazar mein hai woh misal-e-Huzoor
انہیں نقصان دے نہیں سکتا
دشمن اپنا ہے بدسگالِ حضور
Inhein nuqsaan de nahi sakta
Dushman apna hai badsagaal-e-Huzoor
حال سے کشف رازِ قال نہ ہو
قال سے کیا عیاں ہو حالِ حضور
Haal se kashf raaz-e-qaal na ho
Qaal se kya ayaan ho haal-e-Huzoor
دُرَّۃُ التَّاج فرقِ شاہی ہے
ذَرَّۂ شوکت نعالِ حضور
Durrah al-taaj farq-e-shahi hai
Zarrah-e-shaukat naal-e-Huzoor
منزلِ رُشد کے نجوم اَصحاب
کشتی خیر و اَمن آلِ حضور
Manzil-e-rushd ke nujoom ashaab
Kashti khair o aman al-e-Huzoor
ہے مس قلب کے لئے اِکسیر
اے حسنؔ خاک پائمالِ حضور
Hai mas qalb ke liye ikseer
Ae Hassan khaak paimal-e-Huzoor
Share This Naat
Share with friends and family
مرحبا عزت و کمالِ حضور
حسن رضا خان