مانگ لو جو کچھ تمہیں درکار ہے
میرے آقا کا سخی دربار ہے
Mang lo jo kuch tumhein darkaar hai
Mere aaqa ka sakhi darbaar hai
حاضِرِ دربار ہوں میرے طبیب
دردِ عِصیاں کی دوا درکار ہے
Haazir-e-darbaar hoon mere tabeeb
Dard-e-isyaan ki dawa darkaar hai
کثرتِ خَندہ سے دل مُردہ ہوا
تجھ سے فریاد اے شہِہ اَبرار ہے
Kasrat-e-khanda se dil murda hua
Tujh se faryaad ae shah-e-abraar hai
قہقہہ تم مت لگاؤ بھائیو!
گر لحاظِ گِریۂ سرکار ہے
Qehqaha tum mat lagao bhaiyo!
Gar lehaaz-e-girya-e-sarkar hai
ذکرِ حق میں لب کو بس مشغول رکھ
راحتِ دل گر تجھے درکار ہے
Zikar-e-Haq mein lab ko bas mashghool rakkh
Raahat-e-dil gar tujhe darkaar hai
دیجئے ’’قُفلِ مدینہ‘‘ یہ غلام
آہ! بداَطوار و بدگُفتار ہے
Deejiy "Qufl-e-Madina" ye ghulaam
Aah! bad-a’twaar o bad-guftaar hai
عُمر گھٹتی جا رہی ہے آہ! نفس!
گرم عصیاں کا مگر بازار ہے
Umr ghat’ti ja rahi hai aah! nafas!
Garam isyaan ka magar bazaar hai
دیس کا گورِ غریباں آہ! آہ!
موت طیبہ کی مجھے درکار ہے
Des ka gor-e-ghareebaan aah! aah!
Maut Tayyiba ki mujhe darkaar hai
لاج رکھنا حشر میں بدکار کی
تیرا بندہ ہے گو بداطوار ہے
Laaj rakhna hashr mein badkaar ki
Tera banda hai go bad-atwaar hai
جانکنی کا وقت ہے یامصطَفٰے
جاں بلب اب طالبِ دیدار ہے
Jaan-kani ka waqt hai ya Mustafa
Jaan balab ab talab-e-deedaar hai
آپ کے قدموں میں گر کر موت کی
آرزو یاسیِّدِ ابرار ہے
Aap ke kadmoon mein gir kar maut ki
Aarzoo ya sayyid-e-abraar hai
مغفِرت فرما طفیلِ مُرشِدی
یہ دعا تجھ سے مرے غفّار ہے
Maghfirat farma tufail-e-murshidi
Ye dua tujh se mere Ghaffar hai
بُلبلو! تم کو مبارَک پھول ہو
بس گیا طیبہ کا دل میں خار ہے
Bulbulo! tum ko mubaarak phool ho
Bas gaya Tayyiba ka dil mein khaar hai
کیا کروں میں دیکھ کر رنگِ چمن
دشتِ طیبہ سے مجھے تو پیار ہے
Kya karoon main dekh kar rang-e-chaman
Dasht-e-Tayyiba se mujhe to pyaar hai
سبز گنبد کی ضِیائیں مرحبا
مرحبا پُرنور ہر مینار ہے
Sabz gumbad ki ziaayein marhaba
Marhaba pur-nur har mainaar hai
جگمگاتا ہے مدینہ رات دن
سبز گنبد مَنبعِ انوار ہے
Jagmagaata hai Madina raat din
Sabz gumbad manba-e-anwaar hai
جس کی تُربت ہے بقیعِ پاک میں
اُس کو حاصل قُربتِ سرکار ہے
Jis ki turbat hai Baqi-e-paak mein
Us ko hasil qurbat-e-sarkar hai
مصطَفٰے اِس روز آئے اس لئے
عیدِ میلادُ النبی سے پیار ہے
Mustafa is roz aaye is liye
Eid-e-Milad-un-Nabi se pyaar hai
مرحبا! آقا کی آمد مرحبا!
ہم کو اس نعرے سے بے حد پیار ہے
Marhaba! Aaqa ki aamad marhaba!
Hum ko is naare se be had pyaar hai
جو کوئی گستاخ ہے سرکار کا
وہ ہمیشہ کے لئے فِی النّار ہے
Jo koi gustakh hai sarkar ka
Woh hamesha ke liye fi’n-naar hai
دشمنوں کا تنگ گھیرا ہو گیا
رَحم کی درخواست اب سرکار ہے
Dushmanon ka tang ghera ho gaya
Rahm ki darkhwast ab sarkar hai
آہ! دشمن خون کا پیاسا ہوا
یانبی! تیری مدد درکار ہے
Aah! Dushman khoon ka pyaasa hua
Ya Nabi! Teri madad darkaar hai
حاسدوں کو دے ہدایت یاخدا
اُس کا صدقہ جو مِرا غمخوار ہے
Ha-sid’on ko de hidaayat ya Khuda
Us ka sadqa jo mera ghamkhwar hai
غوث کے دامن میں عطّارؔ آگیا
دو جہاں میں اس کا بیڑا پار ہے
Ghous ke daaman mein Attar aa gaya
Do jahan mein us ka beira paar hai
Share This Naat
Share with friends and family
مانگ لو جو کچھ تمہیں درکار ہے
الیاس عطار قادری