مکاں ہے نور سے معمور لا مکاں روشن
چراغِ ذکرِ نبی ہے کہاں کہاں روشن
Makañ hai noor se maamoor laa makañ roshan
Chiragh-e-zikr-e-nabi hai kahañ kahañ roshan
یقین ، عدل ، وفا ، علم ، صبر، سچائی
کیے نبی نے چراغوں کے کارواں روشن
Yaqeen, adal, wafaa, ilm, sabr, sachai
Ki'e nabi ne chiraghon ke kaarwan roshan
اسی نے تلخ نوائی کی تیرگی میں کیا
زمینِ دل پہ محبت کا آسماں روشن
Isi ne talkh nawai ki tirgi meñ kiya
Zameen-e-dil pe mohabbat ka aasmaañ roshan
تمام رات مری فکرِ نعت میں گزری
تمام رات رہا ہے مرا مکاں روشن
Tamam raat meri fikr-e-naat meñ guzri
Tamam raat raha hai mera makañ roshan
صبیحؔ ارضِ وطن پہ ہو نور کی بارش
صدائے نعت سے ہوں ساری بستیاں روشن
Sabiha raza-e-watan pe ho noor ki barish
Sada-e-naat se hoñ sari bastiyañ roshan
Share This Naat
Share with friends and family
مکاں ہے نور سے معمور لا مکاں روشن
سید صبیح الدین صبیح رحمانی