مَیں نعرہ مستانہ، مَیں شوخئِ رِندانہ
میں تَشنہ کہاں جاؤں ، پی کر بھی کہاں جانا
Main narah mastana, main shaukhi rindana
Main tashna kahan jaon, pi kar bhi kahan jana
مَیں طائرِ لاہوتی ، مَیں جوہر ِ ملکوتی !
ناسوتی نے کب مجھکو اس حال میں پہچانا!
Main ta'ir-e-lahooti, main jawhar-e-malakooti!
Nasooti ne kab mujhko is haal mein pehchana!
مَیں سوزِ محبّت ہُوں مَیں ایک قیامت ہُوں
مَیں اشک ِ ندامت ہُوں ، مَیں گو ہرِ یکدانہ
Main soz-e-mohabbat hoon main aik qiyamat hoon
Main ashk-e-nadamat hoon, main gohar-e-yakdana
کِس یاد کا صحرا ہُوں ، کِس چشم کا دریا ہوں
خود طُور کا جلوہ ہُو ں ہے شکل کلیمانہ !
Kis yaad ka sehraa hoon, kis chashm ka dariya hoon
Khud toor ka jalwa hoon hai shakal kalimana!
مَیں شمع فروزاں ہُوں ، میں آتشِ لرزاں ہُو ں
مَیں سوزشِ ہجراں ہُوں مَیں منزل ِ پر وانہ
Main sham' farozan hoon, main aatish-e-larzan hoon
Main sozish-e-hijraan hoon main manzil-e-parwana
مَیں حُسنِ مجسّم ہوں ‘ مَیں گیسوئے بر ہم ہُوں
مَیں پھُول ہُوں شبنم ہوں ، مَیں جلوہ جانانہ
Main husn-e-mujassam hoon ' main gaisoo'e barham hoon
Main phool hoon shabnam hoon, main jalwa jaanana
مَیں واصفِ بِسمل ہُوں میں رونقِ محفل ہُوں
اِک ٹوٹا ہُوا دل ہُوں میں شہر میں ویرانہ
Main wasif-e-bismil hoon main rounaq-e-mahfil hoon
Ik toota hua dil hoon main shehar mein veerana
Share This Naat
Share with friends and family
مَیں نعرہ مستانہ، مَیں شوخئِ رِندانہ
واصف علی واصف