میں مدینے کا گدا میرا لقب کاسہ ہے
میری پہچان مرا نام و نسب کاسہ ہے
Main Madine ka gada mera laqab kasa hai
Meri pehchan mera naam o nasab kasa hai
مجھ کو ملتا ہے درِ شاہِ زمن سے وافر
میری دولت مری ثروت کا سبب کاسہ ہے
Mujh ko milta hai dar-e-Shah-e-Zaman se waafir
Meri daulat meri sarwat ka sabab kasa hai
دربدر پھرتا نہیں عام بھکاری کی طرح
پیشِ دروازۂ سلطانِ عرب کاسہ ہے
Darbadar phirta nahi aam bhikaari ki tarah
Pesh-e-darwaza-e-Sultan-e-Arab kasa hai
بھیک دیدار کی اک بار عطا فرما دیں
بہرِ دیدار مری چشمِ طلب کاسہ ہے
Bheek deedaar ki ek baar ata farma dein
Behr-e-deedaar meri chashm-e-talab kasa hai
غیر کے سامنے جانا اسے آتا ہی نہیں
ایک ہی در کو ترستا ہے عجب کاسہ ہے
Ghair ke saamne jana ise aata hi nahi
Ek hi dar ko tarasta hai ajab kasa hai
روح ترسی ہوئی آنکھیں مرے سپنے مرا دل
کوچۂ سرورِ کونین میں سب کاسہ ہے
Rooh tarsi hui aankhein mere sapne mera dil
Kocha-e-Sarwar-e-Kainat main sab kasa hai
مطمئن رکھتی ہے مجھ کو مری کاسہ لیسی
یعنی اشفاق مری وجہِ طرب کاسہ ہے
Mutma'in rakhti hai mujh ko meri kasa lesi
Yani Ashfaq meri wajah-e-tarab kasa hai
Share This Naat
Share with friends and family
میں مدینے کا گدا میرا لقب کاسہ ہے
اشفاق احمد غوری