میں جب درِ رسول پہ جا کر مچل گیا
یکسر مری حیات کا نقشہ بدل گیا
Main jab dar-e-Rasool pe ja kar machal gaya
Yaksar meri hayat ka naqsha badal gaya
چشمِ کرم حضور کی جس پر بھی ہو گئی
دونوں جہاں کی آفتوں سے وہ نکل گیا
Chashm-e-karam Huzoor ki jis par bhi ho gayi
Dono jahan ki aafton se woh nikal gaya
شہرِ نبی کی برکتیں دیکھو ہیں کس قدر
جو بھی گیا ہے اس کا مقدر بدل گیا
Shehr-e-Nabi ki barkatein dekho hain kis qadar
Jo bhi gaya hai uska muqaddar badal gaya
شاہوں سے بڑھ کے مرتبہ ایسے گدا کا ہے
سلطانِ دوجہاں کے جو ٹکڑوں پہ پل گیا
Shaahon se barh ke martaba aise gada ka hai
Sultan-e-do jahan ke jo tukron pe pal gaya
بیڑا تھا ڈوبنے ہی کو طوفان میں مرا
نظریں اٹھیں حضور کی فوراً سنبھل گیا
Bera tha doobne hi ko toofan mein mera
Nazrein uthin Huzoor ki foran sambhal gaya
قسمت میں کاش! ایسا بھی ہو کہہ اٹھیں سبھی
آصف کا جالیوں کے قریں دم نکل گیا
Qismat mein kash! aisa bhi ho keh uthain sabhi
Asif ka jaalion ke qareen dam nikal gaya
Share This Naat
Share with friends and family
میں جب درِ رسول پہ جا کر مچل گیا
محمد آصف قادری