طیبہ کا شہر، شہرِ نِگاراں ہے آپ سے
’’لطف و کرم کی بزمِ درخشاں ہے آپ سے‘‘
Tayba ka shehr, shehr-e-nigaraan hai aap se
"Lutf o karam ki bazm-e-darakhshaan hai aap se"
دورِ خزاں کا آپ ہی سرکار ہیں علاج
صحرائے زندگی میں بہاراں ہے آپ سے
Daur-e-khizaan ka aap hi sarkar hain ilaaj
Sahraye zindagi mein baharaan hai aap se
نامِ نبی کو جب سے بنایا ہے آسرا
مشکل ہر ایک راہ کی آساں ہے آپ سے
Naam-e-nabi ko jab se banaya hai aasra
Mushkil har aik raah ki aasaan hai aap se
شاداب آپ کی ہی ولا سے ہے نخلِ جاں
دل کا دیار، رشکِ گُلِستاں ہے آپ سے
Shadaab aap ki hi wala se hai nakhl-e-jaan
Dil ka dayaar, rashk-e-gulistaan hai aap se
مدحت جو لکھ رہا ہوں تو ہے آپ کا کرم
یعنی مرا قلم بھی فروزاں ہے آپ سے
Mad'hat jo likh raha hoon to hai aap ka karam
Yani mera qalam bhi farozaan hai aap se
طائف میں غم ملے ہیں تو سب نے یہی کہا
رحم و کرم زمانے کا نازاں ہے آپ سے
Taif mein gham mile hain to sab ne yahi kaha
Rehm o karam zamane ka nazan hai aap se
معراج پر گئے ہیں تو شانِ فلک بڑھی
قائم زمین پر ہیں تو ذیشاں ہے آپ سے
Mairaj par gaye hain to shaan-e-falak barhi
Qaim zameen par hain to zeeshaan hai aap se
Share This Naat
Share with friends and family
طیبہ کا شہر، شہرِ نِگاراں ہے آپ سے
سید حب دار قائم