میں فقیر کوئے رسول ہوں میں کسی بھی شاہ سے کم نہیں
غمِ مصطفےٰ میرا بخت ہے مجھے اور اب کوئی غم نہیں
Main faqeer koe Rasool hon main kisi bhi shah se kam nahi
Gham-e-Mustafa mera bakht hai mujhe aur ab koi gham nahi
میں بہشت لے کے کروں گا کیا مجھے شوق دیدِ ارم نہیں
یہ درِ نبی پہ میری جبیں یہی مرتبہ مرا کم نہیں
Main bahisht le ke karun ga kya mujhe shauq deed-e-Iram nahi
Yeh dar-e-Nabi pe meri jabeen yahi martaba mera kam nahi
جو طلب ہو تیرے سوا کوئی وہ ہوس ہے عشق کے نام پر
یہ مذاق ہے تیرے عشق کا اگر آنکھ ذکر میں نم نہیں
Jo talab ho tere siwa koi woh havas hai ishq ke naam par
Yeh mazaq hai tere ishq ka agar aankh zikr mein nam nahi
یہ طلب کہ جالی سے جا لگوں یہ ادب کہ پاؤں کہاں رکھوں
یہاں کوئی ایسی جگہ کہاں جہاں ان کے نقش قدم نہیں
Yeh talab ke jali se ja lagun yeh adab ke paon kahan rakhun
Yahan koi aisi jagah kahan jahan un ke naqsh-e-qadam nahi
ذرا چلئے ان کے دیار تک وہ سکوں ملے گا تجھے وہاں
میں کہوں کہ لوٹ کے گھر چلیں تو کہے خدا قسم نہیں
Zara chaliye un ke dayar tak woh sukoun mile ga tujhe wahan
Main kahun ke laut ke ghar chalen to kahe Khuda kasam nahi
جو گلی سے ان کی گزر گیا ، تو نصیب اس کا سنور گیا
جو درِ رسول پہ آگیا اسے حشر کا کوئی غم نہیں
Jo gali se un ki guzar gaya, to naseeb us ka sanwar gaya
Jo dar-e-Rasool pe aa gaya, usay hashr ka koi gham nahi
تری رفعتوں کا یہ حال ہے کہ بیان ان کا محال ہے
تری مدح جیسی قرآں نے کی میرے ہاتھ میں وہ قلم نہیں
Teri rifaton ka yeh haal hai ke bayan un ka mahal hai
Teri madah jaisi Quran ne ki mere hath mein woh qalam nahi
نہ یہ دل ادیبؔ کا بت کدہ نہ یہ مئے پرستوں کا مے کدہ
یہ حرم ہے عشقِ رسول کا یہاں اور کوئی صنم نہیں
Na yeh dil Adeeb ka but kada na yeh may paraston ka may kada
Yeh haram hai ishq-e-Rasool ka yahan aur koi sanam nahi
Share This Naat
Share with friends and family
میں فقیر کوئے رسول ہوں
حضرت ادیب رائے پوری